VOV4.Sêdang - Kơxo lơ 18/3,  a tơring Tây Giang, kong pơlê Quảng Nam, Rơ’jiu xiâm Việt Nam  pro leh hiăng pro klêi ƀă ăm xúa kơmăi hrik ‘no hyôh FM ki chiâng mơ’no xêh a hduô ngo Quế, cheăm Tr’hy, tơring Tây Giang, kong pơlê Quảng Nam. Tơdroăng tơkêa pro kơmăi ‘no hyôh FM ki chiâng mơ’no xêh a hduô ngo Quế - Tây Giang, kong pơlê Quảng Nam cho tơdroăng tơkêa bro ki apoăng Rơ’jiu Việt Nam xúa mâu kơmăi ki nếo má môi tung rak ngăn hriăn ‘măn kơmăi mơ’no hyôh, mê cho kơmăi ki hrik xo mâu hyôh ki ‘no ing rơvâ plêng, seá ngăn hrik ƀă mơ’no xêh hyôh ing hơngế.

Tơdroăng pơxiâm xúa kơmăi hrik mơ’no hyôh FM ki chiâ hrik mơ’no xêh a kối ngo Quế kum Rơ’jiu Việt Nam mơdêk ki tơ-ƀrê, po rơdâ kơpong ‘no hyôh drêng kơdroh hên kơxŏ liăn rak ngăn ƀă tí tăng hriăn pro a mâu tiú ‘măn kơmăi, djâ rơkong tơpui dêi Đảng ƀă Tơnêi têa rêm râ kăn, kong pơlê Quảng Nam troh kuăn pơlê hdroâng kuăn ngo mâu tơring peăng mâ hâi lu Quảng Nam ƀă mâu kong pơlê ki achê.

Gương tơplôu ƀă tơbleăng