VOV4.Sêdang - Kơxo hâi lơ 28/5, a Hà Nội, Khu xiâm pơkuâ Đoân droh rơtăm Kŏng san Hồ Chí Minh tơrŭm ƀă Tơdroăng mơnhông mơdêk Khu lâp kong têa a Việt Nam (UNDP) tơkŭm po Roh tơ’noăng “Droh rơtăm tơmiât pêi rơkê xua kong prâi” sap ing kố troh tâi khế 8 la ngiâ. Mơngế ki veăng roh tơ’noăng cho droh rơtăm hơnăm sap ing 16 troh 35 hơnăm, cho kuăn pơlê Việt Nam dế rêh ối a Việt Nam.

Ƀai chêh pơtroh roh tơ’noăng dó inâi: droh rơtăm ƀă mâu troăng pơtâng tối rơkê vâ mơdêk tơdroăng plĕng ‘na kong prâi pơ’lêh; mâu troăng kơdroh kong prâi lơ kơdroh hyôh hngêi nhĕng; droh rơtăm pơxiâm tăng cheăng pêi ƀă mâu troăng tê mơdró ai hnoăng ƀă kong prâi pro ƀă droh rơtăm tăng troăng hbrâ ví ƀă kong prâi pơ’lêh.

A Sa Ly tơplôu ƀă tơbleăng