VOV4. Sêdang - Kơxê lơ 31/3, a Hngêi Kuô̆k hô̆i, Khu xiâm hnê arak luât tơrŭm ƀă Ƀơrô Kuô̆k hô̆i tơkŭm po leh mơhnhôk roh tơ’noăng mơ’no tơdrêng tung um tơvi’’Tí tăng plĕng luât ‘na tâ phĭu rah xo kăn teăng mâ Kuô̆k hô̆i ƀă kăn teăng mâ Hô̆i đong kuăn pơlê”. Tâi tâng rêm ngế kuăn pơlê Việt Nam tung tơnêi têa ƀă kong têa ê kô veăng kĭ tơ’noăng a Kŏng thong tin điê̆n tưh Kuô̆k hô̆i; Kŏng Thông tin điê̆n tưh Khu xiâm  hnê arak luât; Trang thông tin điê̆n tưh dêi Hô̆i đong tâ phĭu rah xo kăn Tơnêi têa; Trang thông tin điê̆n tưh ki hmâ xúa, hnê hriâm arak luât; Trang thông tin điê̆n tưh Um tơvi Kuô̆k hô̆i Việt Nam; Hlá tơbeăng Điê̆n tưh Kăn teăng mâ kuăn pơlê ƀă Hlá tơbeăng luât Việt Nam điê̆n tưh. 

Tơdroăng xiâm tơ’noăng cho kơ-êng ‘na pơkâ dêi Luât tâ phĭu rah xo kăn teăng mâ Kuô̆k hô̆i ƀă kăn teăng mâ Hô̆i đong kuăn pơlê hơnăm 2015; mâu pơkâ dêi luât, Luât tơkŭm po Kuô̆k hô̆i, Luât khu râ kăn pơkuâ kong pơlê ‘na tâ phĭu rah xo kăn teăng mâ Kuô̆k hô̆i ƀă kăn teăng mâ Hô̆i đong kuăn pơlê.

Roh tơ’noăng tơkŭm po tung 30 hâi (sap ing kơmăng dế hâi lơ 1/4/2021 troh 12 kơmăng dế hâi lơ 30/4/2021) ƀă pri má môi cho 20 rơtuh liăn ƀă hên pri ki ê.

A Sa Ly tơplôu ƀă tơbleăng