VOV4.Sêdang - Kơxê lơ 8/4, leh pơcháu hnoăng cheăng dêi Ngế pro xiâm hnê ngăn Chin phuh tơkŭm po a Tíu pêi cheăng Chin phuh, pơla pôa Phạm Minh Chính, Ngế pro xiâm hnê ngăn tơnêi têa ƀă pôa Nguyễn Xuân Phúc, Kăn xiâm hnê ngăn tơnêi têa, cho ngế pro xiâm hnê ngăn Chin phuh hneăng hdrối ƀă tơbleăng Pơkâ rah xo 2 Ngế pro xiâm phŏ hnê ngăn tơnêi têa ƀă mâu Ngế xiâm, mâu kăn ki ê dêi Chin phuh hneăng hơnăm 2021 – 2026. Xông tơpui a roh leh, pôa Nguyễn Xuân Phúc phiu ro pôa Phạm Minh Chính, mâu Ngế pro xiâm phŏ, Ngế xiâm, Kăn xiâm nếo châ tơdah Pơkâ rah xo.

Pôa Nguyễn Xuân Phúc, Kăn xiâm hnê ngăn tơnêi têa prế pôa Phạm Minh Chính, Ngế pro xiâm hnê ngăn tơnêi têa pleăng kơpâu reăng mâu kăn tung Chin phuh hneăng hơnăm 2016 – 2021

Tơdrêng amê tối mơnê Khu xiâm kal kí, Khu pơkuâ hnê ngăn cheăng Đảng, Khu xiâm pơkuâ tơnêi têa, Kuô̆k hô̆i, Măt trâ̆n Tơnêi têa Việt Nam, mâu kơ koan tung khu cheăng kal kí ƀă mâu râ kuăn pơlê hiăng tŏng kum, tơrŭm cheăng, pro tơ’lêi hlâu ƀă môi tuăn Chin phuh hneăng hơnăm 2016 – 2021 pêi kêi đeăng hnoăng cheăng hiăng pơkâ mơ’no; phiu ro xua hiăng mơ-eăm pleăng tâi ivá tơná, kum ăm tơnêi têa, kum ăm kuăn pơlê, veăng kum tung mâu tơdroăng châ tơƀrê dêi Chin phuh 5 hơnăm hiăng hluâ; djâ tơnêi têa to môi hvêa chêng ki kal.

A Sa Ly tơplôu [ă tơbleăng