VOV4.Sêdang -  Leh pơcháu tơdroăng cheăng pơla pôa Nguyễn Phú Trọng, Kăn xiâm pơkuâ hnê ngăn Đảng, cho Kăn xiâm hnê ngăn  tơnêi têa hneăng hdrối ƀă pôa Nguyễn Xuân Phúc, Ngế cheăng tung khu xiâm Kal kí, Kăn xiâm hnê ngăn tơnêi têa hneăng nếo tơkŭm po kân krip a tíu pêi cheăng dêi Kăn xiâm hnê ngăn tơnêi têa. Hvái ngăn 2 hơnăm tơdế tung pơla pro Kăn xiâm hnê ngăn tơnêi têa, tung pơla trâm hên tơdroăng pá, tơvâ tơvân, tơdroăng cheăng hên, Kăn xiâm pơkuâ hnê ngăn Đảng hlo hiăng mơ-eăm hên pêi tŭm tơdroăng, châ  tơƀrê mâu tơdroăng cheăng, hnoăng cheăng pêi tiô pơkâ dêi Luât ƀă luât dêi tơnêi têa.

Pôa Nguyễn Phú Trọng, Kăn xiâm pơkuâ hnê ngăn Đảng ƀă pôa Nguyễn Xuân Phúc, Kăn xiâm hnê ngăn tơnêi têa rơtế ƀă mâu kăn xiâm Đảng, Tơnêi têa veăng leh pơcháu hnoăng cheăng

Rôh kố, Kăn xiâm pơkuâ hnê ngăn Đảng mơnê kơ jâ Đặng Thị Ngọc Thịnh, Kăn xiâm phŏ hnê ngăn tơnêi têa hiăng pê klêi hnoăng cheăng pơcháu tung mâu tơdroăng. Kăn xiâm pơkuâ hnê ngăn Đảng loi khât, ƀă tuăn mơ-eăm pêi cheăng tro hnoăng pơcháu, pôa Nguyễn Xuân Phúc, Kăn xiâm hnê ngăn tơnêi têa ƀă jâ Võ Thị Ánh Xuân, Kăn xiâm phŏ hnê ngăn tơnêi têa kô rĕng tơdah xo pêi hnoăng cheăng ki nếo, ai mâu tơdroăng hnê mơhno nhên khât, teăm tơdrêng, pêi tơ-ƀrê vâ Ƀơrô Kăn xiâm hnê ngăn tơnêi têa pơtối rak vế pêi pro tơdroăng tơrŭm dêi rơpó, tơchjuôm ivá, môi tuăn, hơ’leh nếo, mơjiâng Đảng bộ ƀă kơ koan rơdêi tŭm tơdroăng, pê klêi hnoăng cheăng pơcháu.

Gương tơplôu ƀă tơbleăng