VOV4.Sêdang - Kơxo lơ 28/4 , a Hà Nội, Khu xiâm pơkuâ ngăn mơngế pêi cheăng Việt Nam po leh kân krip tơkŭm po leh tơbâ 135 hơnăm Hâi lâp plâi tơnêi pêi cheăng (01/5/1886 – 01/5/2021), mơhnhôk Khế kŏng nhân. Xông tơpui a hâi leh, pôa Nguyễn Xuân Phúc, Kăn xiâm hnê ngăn tơnêi têa tối nhên, Tơnêi têa ƀă kuăn pơlê pin đi đo tơmâng khât mâu khu râ kŏng nhân, mơngế pêi cheăng ƀă khu tơrŭm cheăng kŏng đoân.

Kăn xiâm hnê ngăn tơnêi têa khĕn kơdeăn rêm râ kŏng đoân hiăng pêi tro khât tơdroăng hnê mơhno dêi Khu kăn Đảng đi đo mơ-eăm, hriăn plĕng ki nếo tơbleăng mâu tơdroăng pêi ai pơxúa vâ chê 10 hơnăm hdrối Khế kŏng nhân hiăng chiâng mâu hâi leh dêi kŏng nhân, mâu kăn, mâu ki pêi cheăng ăm tơnêi têa tung lâp tơnêi têa. Ing mê, Kăn xiâm hnê ngăn tơnêi têa pơkâ thế khu tơrŭm cheăng kŏng đoân rĕng mơjiâng tơdroăng pêi pro dêi kŏng đoân Việt Nam pêi pro tơdroăng pơkâ dêi kŏng đoân Việt Nam pêi tơdroăng pơkâ hneăng hôp kân roh má 13 dêi Đảng pro tơniăn tro khoa hok.

A hâi leh, teăng mâ Khu hnê mơhno pêi pro tơdroăng ‘na tơniăn pêi krúa kế kâ, tơniăn ăm mơngế pêi cheăng hơnăm 2021 ƀă pơxá: Mơdêk tơdroăng ki tối séa ngăn mâu tơdroăng ki nhôm tơ’lêi ‘na ôh tá tơniăn, krúa lĕm ăm mơngế pêi cheăng ƀă veăng pêi pro tơdroăng tơniăn krúa ‘na sinh viên”.

Gương tơplôu ƀă tơbleăng