VOV4.Sêdang - Koxo lơ 29/3, leh tơbâ 46 hơnăm Hâi pro tơleăng lĕm pơlê xiâm, Pơlê kong kân Đà Nẵng tơkŭm po leh tơbleăng mâu Pơkâ, tơdroăng Pơkâ dêi Chin phuh, Ngế pro xiâm hnê ngăn Chin phuh ‘na mơdêk chiâng pơlê kong kân Đà Nẵng. Mê cho tơdroăng Pơkâ tơbleăng Pơkâ kơxô̆ 119 dêi Kuô̆k Hô̆i ‘na mơnúa tơkŭm po túa pêi cheăng mâu kăn kơphô̆; Pơkâ kĭ tơdroăng tơkêa bro pơkâ tơchoâm pơlê kong kân; Pơkâ troăng hơlâ ‘no liăn pêi tơdroăng tơkêa bro mơjiâng kơno tuk Liên Chiểu ƀă troăng hơlâ ăm phêp ‘no liăn pêi tơdroăng tơkêa bro Tíu xiâm liăn ngân pơlê kong kân Đà Nẵng.

Pôa Trịnh Đình Dũng, Ngế xiâm phŏ hnê ngăn tơnêi têa pơcháu mâu Pơkâ, tơdroăng Pơkâ dêi Chin phuh, Ngế pro xiâm hnê ngăn Chin phuh ‘na mơnhông mơdêk Đà Nẵng

Tơpui a hâi leh tơbleăng, pôa Trịnh Đình Dũng, Ngế xiâm phŏ hnê ngăn tơnêi têa tối, Tơdroăng pơlâ 119 dêi Kuô̆k hô̆i ‘na mơnúa tơkŭm po mâu kăn kơphô̆ ƀă mâu luât pơkâ, luât tŏng kum mơnhông mơdêk Pơlê kong kân Đà Nẵng cho kal khât. Kố cho mâu tơdroăng ăm hlo ki vâ kum pơlê kong kân mơnhông tơ-ƀrê ‘na mơjiâng khu kăn tơtro ƀă tơdroăng mơnhông dêi kơphô̆ Đà Nẵng.

Gương tơplôu ƀă tơbleăng