VOV4.Sêdang - Tiô tơdroăng ăm ‘nâi sap ing Khu xiâm ngăn pơkeăng ƀă khăm pơlât, rôh pơreăng tâ tú má 4 sap ing hâi lơ 27/4/2021 troh nôkố, kơxô̆ mơngế tâ nếo ki ‘nâi tung tơnêi têa ai 271.037 ngế, tung mê ai 99.730 ngế tâ COVID-19 châ tơbleăng hiăng pơlât prêi. Tung hâi lơ 15/8, ai 5.519 ngế châ tơbleăng hiăng pơlât prêi, mơdêk tâi tâng kơxô̆ ngế châ pơlât prêi ai 102.504 ngế. Ai 5 to kong pơlê, pơlê kong kân hiăng tơkâ luâ 14 hâi ôh tá ai ngế ki lâi tâ pơreăng tung tơnêi têa cho: Quảng Ninh, Bắc Kạn, Tuyên Quang, Lai Châu, Hoà Bình.

Ai 7 to kong pơlê, pơlê kong kân ôh tá ai ngế ki tâ tú ing ngế ki kố troh ngế ki tá a kong pơlê tung 14 hâi hdrối nah cho: Lào Cai, Kon Tum, Hà Giang, Yên Bái, Thái Bình, Bắc Giang, Hải Phòng. Troh nôkố, lâp tơnêi têa hiăng pâk vaccine hbrâ mơdât COVID-19 châ lối 14 rơtuh 400 rơpâu klŏng.

Nga tơplôu ƀă tơbleăng