Thăm nếo hơnăm kố, jâ Lộc Thị Pịa, 67 hơnăm, ối a cheăm }ư K[ang, tơring Ea Súp, kong pơlê Dak Lak ‘nâi dêi mâ ôh tá xáu hlo, ngăn ôh tá hleăng kế tơmeăm khoăng rơtâ tá xua tơmiât kố cho tơdroăng châi dêi mâu ngế krâ xua mê jâ Pịa ôh tá lăm pơlât.

Troh drêng mâu [ok thái pơkeăng dêi hngêi pơkeăng kân kong pơlê Dak Lak troh rah khăm pơlât ‘na tơdroăng châi mâ tung pơlê pơla, jâ nếo ‘nâi dêi tơná plôm kơdôu kuăn ngé. Tơdroăng pôm kố kô pro mâ rế hía rế ôh tá xáu hlo, lôi ton kô chiâng plôm mâ tâng ôh tá châ po pơlât tơdrêng. Jâ Pịa tối:

‘’Mâ jâ ôh tá xáu hlo dâng 6 khế kố. Jâ cho ngế hơnăm hiăng hên xua mê châ pâ pơlât tê kơtê. Jâ bu ‘nâi mơnê Đảng, Tơnêi têa’’.

Xuân môi tiah jâ Lộc Thị Pịa, pôa Vũ Đức Hảo, 77 hơnăm ối a bêng Thắng Lợi, pơlê kong kơdrâm {uôn Ma Thuột, kong pơlê Dak Lak rêh ối kơnôm kuăn ‘ne\ng hiăng hên hơnăm kố.

Tung châ tro hên tơdroăng châi mơngế krâ, nôkố pơtối plôm kơdôu kuăn ngé, pôa xâu ‘nâng chiâng pá ăm vâi kuăn ‘ne\ng. Drêng ‘nâi tơdroăng ai khu [ok thái pơkeăng dêi Khu hbrâ mơdât plôm mâ châu Á troh khăm pơlât [a\ pâ pơlât plôm kơdôu kuăn ngé, pơlât tê kơtê ăm kuăn pơlê Dak Lak, pôa Hảo sôk ro ‘nâng môi tiah châ tơkâ hluâ tơdroăng tô tuăn ki kân. Pôa Hảo rơrêk tung hiâm mơno tối ăm ‘nâi:

‘’Drêng xo hlá ph^u tơhrâ pâ pơlât mâ tê kơtê mê á sôk ro ‘nâng. Tâng á lăm pâ xêh mâ, tâng lăm a Sài Gòn mê kô tâi liăn hên, hơnăm hiăng krâ môi tiah á mê ôh tá ai ivá pêi cheăng, ôh tá tăng lo liăn, nôkố mơdoh troh kuăn ‘ne\ng á ôh tá vâ. Tâng vâ tối tơdroăng sôk ro hâi kố cho tơdroăng sôk ro ôh tá kâi hiêt tung tơdroăng rêh ối dêi á’’.

Tung roh kố, Khu hbrâ mơdât plôm mâ châu Á hiăng pâ pơlât mâ tê kơtê ăm 150 ngế, tung mê, ki hên cho mơngế hơnăm hiăng krâ ai tơdroăng rêh ối pá puât, rơpo\ng kơtiê, rơpo\ng ai hnoăng tơnêi têa. Pak^ng châ pâ pơlât mâ tê kơtê, mâu ngế châi ối a hơngế ối châ hngêi pơkeăng kân kong pơlê Dak Lak to\ng kum liăn, pơlât, ối pơtê [a\ khu to\ng kum ăm kâ hmê tê kơtê. Tơdroăng kố ôh tá xê kum to vâi krâ châ hlo hleăng le\m, mê thăm nếo rế loi tơngah tơdroăng to\ng kum dêi Đảng [a\ kuăn pơlê kum ăm vâi.

{ok thái pơkeăng Bùi Tiến Dũng, kăn pơkuâ hngêi pơkeăng pơlât mâ Nhuk, Hà Nội, ối tung khu hbrâ mơdât plôm mâ châu Á tối ăm ‘nâi:

‘’Kơxo# liăn pâ pơlât mâ rêm ngế ai sap 4,5 – 5 rơtuh liăn. Xua tơdroăng kố kô pơlât prêi mâ ăm mơngế plôm kơdôu kuăn ngé, xua mê khu pâ pơlât hiăng mơ-eăm ti tăng liăn ing mâu khu môi ngế, khu to\ng kum a kong têa Nhuk. Tơdroăng kố ôh tá xê to po rơdâ a Dak Lak mê ối a hên kong pơlê ki hơngế hơngo tung lâp tơnêi têa. Ngin hiăng rah Dak Lak xua a kố hơngế ing kong pơlê kân [a\ kuăn pơlê ki lâi xuân ối kơtiê’’.

{ok thái pơkeăng Chuyên khoa 2 Ngô Văn Cường, Thái pơkeăng kơbong pơlât mâ, hngêi pơkeăng kân kong pơlê Dak Lak tối ăm ‘nâi:

‘’Drêng tro plôm kơdôu kuăn ngé mê bu ai môi túa pơlât mê cho pâ pơlât mâ. {a\ túa pơlât rơxông nếo cho pâ pơlât Phaco mê bu 5 – 7 phut môi ngế, drêng pâ ôh tá lo mơheăm [a\ kơ’nâi pâ pơlât mê ngế ki pâ pơlât mê kô chiâng vêh a hngêi’’.

Plôm kơdôu kuăn ngé cho tơdroăng châi hmâ hlo hên laga tơ’lêi pơlât prêi tâng re\ng châ ‘nâi. Xua mê, mâu ngế sap 50 hơnăm tơngi klêng kal lăm khăm pơlât mâ rêm hneăng 6 khế môi xôh lơ lăm pơlât tơdrêng drêng hlo mâ ôh tá xáu hlo.

A Sa Ly tơplôu [a\ tơbleăng