VOV4.Sêdang - A Hngêi Kuô̆k hô̆i, mâu kơ koan dêi Kuô̆k hô̆i, kơ koan dêi Vi ƀan pơkuâ Kuô̆k hô̆i, Ƀơrô Kuô̆k hô̆i tơkŭm po leh veăng tơlo liăn hbrâ mơdât COVID 19. Drêng pơreăng COVID 19 xông tâ tú ó, veăng kum drêng pá puât, tơdjuôm ivá hbrâ mơdât pơreăng, môi tuăn kơbông krếo dêi Vi ƀan Măt trâ̆n xiâm Tơnêi têa Việt Nam, châ môi tuăn dêi khu râ kăn pơkuâ Kuô̆k hô̆i, Ƀơrô Kuô̆k hô̆i tơkŭm po roh veăng tơlo liăn hbrâ mơdât COVID 19.

Mâu kơ koan dêi Kuô̆k hô̆i veăng tơlo liăn hbrâ mơdât pơreăng COVID 19

Pôa Bùi Văn Cường, Kăn xiâm chêh tôm xo rơkong, Kăn pơkuâ Ƀơrô Kuô̆k hô̆i tối ăm ‘nâi kố cho tơdroăng ai pơxúa kal khât; tơdrêng amê, pơkâ thế tâi tâng mâu kăn teăng mâ Kuô̆k hô̆i pêi cheăng a mâu kơ koan dêi Kuô̆k hô̆i, mâu kơ koan dêi Vi ƀan pơkuâ Kuô̆k hô̆i ƀă tâi tâng kăn ƀô̆, kông chưk, viên chưk, mơngế pêi cheăng tung Ƀơrô Kuô̆k hô̆i môi tuăn mơhnhôk, veăng tơlo liăn 1 hâi pêi cheăng tơngi klêng. Klêi kơ’nâi leh veăng tơlo, Ƀơrô Kuô̆k hô̆i hiăng pơtroh kơxô̆ liăn 350 rơtuh liăn troh a Vi ƀan Măt trâ̆n xiâm Tơnêi têa Việt Nam.

A Sa Ly tơplôu ƀă tơbleăng