VOV4.Sêdang - Hlo pơreăng COVID-19 xông tâ tú rơ-iô, troh kơxo lơ 4/5, lâp tơnêi têa hiăng ai 9 to kong pơlê, pơlê kong kân ăm hok tro pơtê pơtân troh a hngêi trung ta troh la lâi tơbleăng nếo. Mê cho, pơlê kong kân Hà Nôị, Bắc Giang, Hà Nam, Vĩnh Phúc, Hưng Yên, Yên Bái, Đà Nẵng, Quảng Nam, An Giang. Vâ tơniăn tơdroăng hriâm, tơdroăng hnê ƀă hok tro kô hơ’leh hnê hriâm mơ’no tơdrêng tung um tơvi.

A kong pơlê Vĩnh Phúc , tíu ki ai pơreăng dế tâ tú rơ-iô , vâ tơniăn ăm hok tro, Vi ƀan kong pơlê hiăng hnê mơhno ăm lối 300 rơpâu ngế hok tro ing khô̆i mầm non troh râ má pái, ƀă hngêi trung giáo dục thường xuyên ƀă hngêi trung hnê cheăng pêi tung kong pơlê pơtê hriâm sap lơ 3/5 ta troh tâi lơ 8/5.

Klêi mâu hâi ki mê, ngăn tiô kơ tơdroăng pơreăng tâ tú, Vi ƀan kong pơlê kô séa ngăn ƀă ai pơkâ hnê mơhno tơtro. A kong pơlê Hưng Yên, Khu ngăn hnê hriâm ƀă hnê tuăn ngôa rơkê tung lâp kong pơlê pơtê hriâm ing hâi lơ 4/5 ta troh ai tơbleăng nếo vâ hbrâ mơdât pơreăng COVID-19.

 Gương tơplôu ƀă tơbleăng