VOV4.Sêdang - Lối 3 khế pơto chơ kuăn mơngế, rơxế ki pơto mơngế tamo châi dêi ngoh Đỗ Quốc Minh Triều rơtế [ă khu rơxông a pơlê kân Liên Nghĩa, tơring Đức Trọng, kong pơlê Lâm Đồng hiăng ai tuăn hơ-ui kum, to\ng chơ tê kơtê ăm mâu ngế tamo châi ki ai tơdroăng rêh ối xahpá. Mâu tơdroăng pêi pro kố ai pơxúa, thăm pro ăm hiâm mơno ki rơkê ple\ng, hơ-ui kum ‘na pơlê pơla.

Lối 600 rơtuh liăn cho kơxo# liăn ngoh Đỗ Quốc Minh Triều, 35 hơnăm, ối a pơlê kân Liên Nghĩa,  tơring Đức Trọng, kong pơlê Lâm Đồng rơtế [ă dêi pú tơlo liăn rôe rơxế chơ pơlât mâu ki tro rong, châi tamo vâ chơ mâu ngế ki kơtiê xahpá. Mơhé kơhâi lơ kơmăng, kong mêi lơ ôh, ối a hngế lơ achê, drêng tâng krếo phôn kal to\ng kum mơngế ki kal pơlât rơxế dêi khu ngoh Triệu troh lăm chơ hlối.

Jâ Nguyễn Thị Sư, ối a tơring Lâm Hà, tro u\m kliâm, tối, rêm rôh lăm pơlât a hngêi pơkeăng kân Chợ Rẫy, pơlê kong kân Hồ Chí Minh to lăm pơlât tơdroăng châi, bú riân to liăn rơxế [ă prôk vêh xuân tâi lối rơtuh liăn. Ing hâi ‘nâi ai rơxế chơ kum tê kơtê lăm pơlât a pơlê krâm Liên Nghĩa, rơpo\ng krếo phôn ăm khu ki mê veăng kum tá hiâm mơno ôh tá xo liăn.

’’A mơnê kơ mâu vâi muăn hiăng ai hiâm mơno hơ-ui kơ mơngế. Mâu rôh rơxế chơ tê kơtê ki mê, hiăng kum ăm mâu ngế kơtiê môi tiah a kơdroh iâ ki xahpá tung rêh ối’’.

Rơxế chơ pơlât tê kơtê a pơlê kân Liên Nghĩa, tơring Đức Trọng, kong pơlê Lâm Đồng

‘Na ngoh Nguyễn Đắc Lộc, ối a pơlê kân Thạch Mỹ, tơring Đơn Dương tối, mơnê mâu vâi ngoh o ki ai rơxế tê kơtê lăm pơlât hiăng teăm kum mơngế tung rơpo\ng ki ai ngế trâm xía vâ châ troh pơlât tơdrêng tung kơmăng mê hlối.

‘’A hlo tơdroăng cheăng pêi dêi mâu vâi ngoh o tung khu tơru\m dêi rơpó rơxế chơ kum lăm pơlât mâu ki châi tamo ki ê  mơhế lơ kơhâi vâ kơmăng’’.

Ngoh Đỗ Quốc Minh Triều, kăn khu rơxế pơlât chơ tê kơtê ăm ‘nâi, rơxế kô nếo kơtâu sap ing khế 10 hơnăm 2020 troh nôkố, khu kố hiăng kơtâu 40 hdroh kum mâu ngế châi tamo ki ối kơtiê xahpá. Ki xiâm pêi pro apoăng cho kum tê kơtê ăm mâu rơpo\ng kơtiê, [ă mâu vâi ngoh ‘măn tung rơxế mê môi to kơthung veăng tơlo liăn, tơlo iâ lơ hên ngăn to vâi tâ, vâ ai kơxo# liăn veăng kum ăm hên ngế tâ.

‘’Troăng hơlâ dêi ngin pro cho tung rơxế ‘măn môi to kơthung tơlo liăn. {ă vâi veăng tơlo hên lơ iâ ngăn to hiâm tuăn vâi tơmiât xêh. Ngin ôh tá pơkâ kơxo# liăn thế tâ, ngế ki châi tamo mê tâ to lâi. Mâu ngế ki ai liăn ngin xuân chơ. ‘Na mâu ngế ki pá puât ngin kô chơ kum tê kơtê’’.

Môi ngế châi  châi tamo châ khu rơxế kum pơlât kố chơ vêh pơlât

Ôh tá xê bú djâ mơngế châi tamo teăm lăm pơlât tơdrêng, ai mâu ngế ki hiăng hlâ, kal thế djâ lăm ‘mế a pơlê, khu rơxế to\ng kum chơ pơlât vâ kum chơ. Nguyễn Hiếu, Ngế vê rơxế tối:

‘’Hdrối nah a vê rơxế chơ mâu ngế lăm pơlât a hngêi pơkeăng kân tơring Đức Trọng, hlo hên ngế pá puât ‘nâng ôh tá ai liăn, ai ngế ki ‘nâ thế mung liăn ki tơvêh laih hên, liăn tơkâ vâ ăm liăn to rơxế, liăn pơlât. Mê á nếo tối ăm mâu nho\ng o ki pêi hnoăng cheăng to\ng kum, drêng ngin rôe rơxế a hiăng ‘no hnoăng vê [ă vâi nho\ng o tung khu veăng kum dêi rơpó pêi cheăng kố. A châ kum mâu ngế ki châi tamo a tâ hơniâp tung tuăn, vâ tối ôh tá tơvâ ki klâi ôh, tuăn púi vâ rêm ngế pôi ta châi tamo.

Tâng ai mâu ngế ki châi tamo kal vâ  chơ pơlât á lăm chơ. Ối ai mâu ki ‘nâ kơtiê ó ‘nâng, ngế ki tamo mê hiăng hlâ la ôh tá ai poăng vâ tâ mê á [ă vâi pú tung khu xuân mơhnhôk ngế ki kố ngế ki tâ veăng tơlo iâ’’.

Tâng tối ‘na rơxế chơ pơlât kơjo kum mâu ki tamo ối kơtiê xahpá châ mâu vâi ngoh Đăng tung măng xah ho#i, [ă tối ‘na mâu ăm mâu hngêi pơkeăng tung kơpong ‘nâi, púi vâ châ kum hên ngế tâ.

Kuăn pơlê a Lâm Đồng, drêng kal rơxế chơ pơlât tê kơtê, kô chiâng krếo mâu kơxo# phôn 0962.646.115 tâng ôh krếo kơxo#  0968.646.115 vâ châ khu kố veăng kum.

Tuấn Anh chêh

Gương tơplôu [ă tơbleăng