Ô pôa, pôa tối mơnhên ngăn mâu túa pêi chiâk deăng hnối pêt kong hiăng châ pêi pro khât ti lâi nôkố, [ă mâu troăng hơlâ mê châ mơnhông tiah lâi tung pêi cheăng kâ?

Pôa Nguyễn Tiến Định: Dế nôkố, tá hâi teăm ai troăng hơlâ ki nhên klâi ăm kơpong pêi chiâk deăng pêt kong, maluâ, ki păng ‘nâng túa pêi pro kố hiăng ai [ă hiăng po mơjiâng, mâu túa ki pêi tơdjuôm chiâk deăng hnối pêt kong ai tơru\m châ tơ-[rê khât ‘na pêi cheăng kâ-rêh ối pơlê pơla-hyôh kong prâi. Ai hên mâu ngế ki hriăn ple\ng xuân hiăng mơhno tối, la xiâm bu ai to troăng hơlâ ki tơdjâk troh pêi chiâk deăng hnối pêt kong. Môi tiah: Troăng hơlâ ăm kơpong pêi chiâk deăng, troăng hơlâ ăm tơdroăng pêt loăng ton hơnăm tối phá xêh, la troăng hơlâ ăm tơdroăng pêi chiâk deăng pêt kong ki krê xêh xuân tá hâi teăm ai. Mê râ, tơdroăng pơkâ mơ’no mê tá hâi teăm tu\m.

Tiah mê, pôa nếo tối troăng hơlâ ki chêh vâ hnê tối ăm tơdroăng pêi chiâk deăng hnối pêt kong tá hâi teăm ai. Tiah mê, pin hiăng ai troăng hơlâ ki lâi ki tơdjâk troh ‘na tơdroăng kố? Mâu troăng hơlâ ki ai tơdjâk kố hiăng veăng kum mơnhông mơdêk ti lâi tung pêi chiâk deăng pêt kong?

Pôa Nguyễn Tiến Định: Pak^ng mâu tơdroăng ki tá hâi teăm ai ăm pêi chiâk deăng pêt kong, mê nôkố mâu troăng hơlâ ai tơdjâk troh pêi chiâk deăng, pêt kong xuân tá hâi teăm tơtro. A pơtih: ‘Na to\ng kum troăng hơlâ ki mơjiâng kơdrum deăng ki kân mê nôkố, tơdroăng pơkâ kơxo# 27 dêi Khu xiâm ngăn ‘na chiâk deăng nếo pơkâ ăm tơdroăng pro kơdrum pêt kong [ă kơdrum pêi chiâk deăng (tơkéa vâ tối, tung mê ai pêi chiâk deăng [ă păn mơnăn mơnôa) la [ă kơdrum deăng ki tơdjâk pêi chiâk deăng hnối pêt kong ga tá hâi teăm ai pơkâ nhên ki klâi ôh.

Xua ing tơdroăng tá hâi teăm ai tơdroăng pơkâ ăm kơdrum chiâk deăng pêt kong, mê troăng hơlâ kum ăm hnoăng cheăng kố khoh chiâng pá, thăm nếo rế pa ai ki klâi ki pơkâ nhên ăm hnoăng cheăng kố. Tơdroăng ki má péa, kơlo pơkâ [ă mâu túa ki hriâm kih thuât ‘na pêi chiâk deăng pêt kong xuân tá hâi teăm hên.

Tơnêi tíu ki pêi chiâk deăng hnối pêt kong ki hên cho a kơpong hơngế hơngo, troăng prôk pá puât. Tơdroăng mơhá liăn ngân ăm tơdroăng mơhnhôk pêi chiâk deăng, pêt kong xuân ối iâ. Tơdroăng ki má pái, ki ối trâm pá tung troăng hơlâ pêi chiâk deăng pêt kong dế nôkố, mê cho: troăng hơlâ tơdjâk troh tơdroăng to\ng kum ‘na chiâk deăng, pêt kong tơku\m hên a kơvâ pêi chiâk pêi deăng, hnê ‘na kih thuât, ối ai tơdjâk troăng hơlâ ki ê, môi tiah ‘na kế tơmeăm ki mơjiâng ing chiâk deăng, ing loăng kong, tê mơdró tơmeăm ki mê, mơnhông mơjiâng inâi ing chiâk deăng tơru\m xiâm bu iâ, tá hâi teăm tơniăn.

Ê, ing mâu tơdroăng ki ối trâm pá môi tiah nếo tối mê, tung la ngiâ, pin kal athế pêi pro ki klâi vâ túa pêi cheăng kố châ mơnhông?

Pôa Nguyễn Tiến Định: Tiô á ki apoăng mâu kong pơlê, mâu khu râ, kơvâ cheăng xiâm kal ai mâu tơdroăng ki hriăn ple\ng [ă ai mâu troăng hơlâ ki nhên ăm kơpong pêi chiâk deăng, pêt kong xua ki păng’nâng mâu túa cheăng kố hiăng bro mơnhên ki châ tơ-[rê, mâu ngế cheăng ‘na khoa hok hiăng mơnhên tối [ă ki ai păng ‘nâng dế nôkố. Xua ti mê, pro tiah lâi pin athế ai mâu troăng hơlâ ki nhên ăm túa pêi chiâk deăng pêt kong ăm i tơtro. Pơtih, kô chiâng pêi tơdjuôm [ă mâu troăng hơlâ, tơdroăng tơkêa pêi, môi tiah tơdroăng mơjiâng thôn pơlê nếo, ki rơhêng vâ tối cho tơdroăng OCOP (rêm to cheăm môi kế tơmeăm) [ă mâu kế tơmeăm ki pêi lo ing chiâk deăng [ă pêt mơjiâng kong.

Ối pá môi tơdroăng nếo, pin kal athế hơ’lêh mâu hlá mơ-éa ki ai todjâk troh vâ ví tơdroăng ki chêh tối bô bối dêi pó tung mơnhông pêi chiâk deăng hnối pêt kong. Môi tiah, kal athế ai mâu tơdroăng pơkâ ki nhên ăm kơdrum chiâk deăng pêt kong, ing mê, ai mâu túa ki vâ po troăng hơlâ. Ki má pái, kal athế to\ng kum ngăn khât tâ nếo troh tơdroăng mơhnhôk pêt loăng mơjiâng kong, mơjiâng túa cheăng ki hnê tối ‘na tơru\m pêi chiâk deăng rế pêt kong há, thăm mơdêk tơdroăng hriăn ple\ng ăm tơdroăng pêi chiâk deăng pêt kong ăm i tơtro tung rêm kơpong, rêm kơvâ cheăng, [ă rêm ngế kuăn pơlê, maluâ [ă mâu hdroâng kuăn ngo.

Vâ ai troăng hơlâ tơtro má môi, ki tơ’ló khât mê pin athế ‘nâi nhên ‘na mơngế ki cheăng, ti mê, tơdroăng mơjiâng tíu ki hnê tối ‘na mâu túa pêi chiâk deăng pêt kong ga ai pơxúa ki klâi, ô pôa?

Pôa Nguyễn Tiến Định: Cho khât, dế nôkố pin hiăng ai hriăn ple\ng ‘na mâu túa pêi chiâk deăng hnối pêt kong, la tiô á hlo mâu túa ki pêi tơru\m mê ga ối iâ, tá hâi tơdrêng, tá hâi hên, [ă mâu túa pêi chiâk deăng pêt kong dế nôkố xiâm pêi tiô kơ tơdroăng ki tơná kuăn pơlê pêi pro krê xêh, xua mê, khoh tá hâi teăm chiâng ai hlá mơ-éa ki lâi hnê tối nhên ‘na tơdroăng kố. Vâ pin châ ‘nâi tơdroăng ki pêi chiâk deăng pêt kong tơru\m cheăng mê ga ai ti lâi, hên iâ to lâi, tơtro [ă mâu kơpong mê ga ti lâi, kế tơmeăm ki vâ mơjiâng cho ki klâi. Xua ti mê, pin tơmiât tiah kố, kal athế chêh mơjiâng kơxop hlá mơ-éa ‘na mâu túa pêi chiâk deăng hnối pêt kong ăm rêm kơvâ cheăng, rêm kơpong. Ing mê ah, pin kô châ mơnhên, tơbleăng [ă mơ’no tối troăng hơlâ ki tơtro ăm túa pêi cheăng kố.

Hôm, mơnê kơ pôa!

Hương Lý chêh

Nhat Lisa tơplôu [ă tơbleăng