Mâu tơdroăng châi kô rế tâk tung rơnó mêi hngiú, kal thế tơtro\ng môi tiah kơ’nâi kố:

Pá kâi hiâm: Kong hngiú cho ki xiâm rôh mâu pơreăng ‘na troăng hiâm môi tiah lo têa môh, êi xoang (cho êi pơla mâu pơla kơxêng tung môh) êi krôk, êi xôu [ă hên tơdroăng châi ki ê kô tơ’lêi xông tâ tú.

Mơheăm ôh tá kơtâu troh a ngôa: A rơnó hngiú, ki hngiú rế ó, mâu tơdroăng châi ki tơdjâk troh plâi ‘na nuih môi tiah mơheăm ôh tá kơtâu troh a ngôa, mơheăm lơ tơku\m a plâi nuih, lơ mơheăm ôh tá kơtâu troh a plâi nuih [ă hên tơdroăng châi ki ê kô pro rế châi ó.

Tâng kong rơdâm, troăng mơheăm kô xơtot, pro chiâng hâ troăng ki mơheăm vâ kơtâu, mơheăm ôh tá châ tâk troh a ngôa. Tiô hnê tối dêi [ok thái pơkeăng, ngế ki châi plâi nuih thế kơhnâ vế khăm ngăn dêi kơtêi rêm hâi [ă hlối râk vế tung châ pơkeăng ki vâ kum kojo plâi nuih drêng lo pagong lăm ukố umê.

Châi kóu kơxêng:

Kong hngíu pro mâu troăng mơheăm chiâng xơtot, pro mâu mơheăm ki mơ’no mot a mâu kơxái hveăn tung mê ai tế - tơyiăn, châi hơ’nêh, châi kóu kơxêng, cho ki xiâm  pro châi môi tiah châi poh tung châ, rơlâi a mâu sêi, kơxêng, châi êi kóu kơxêng, xơtot hveăn, khăng a kơpong kung kui, a rơtếo.

Êi tung dế tuăn [ă pro chiâng klêk:

Ki xiâm  pro chiâng klêk drêng kong hngiú cho xua mâu troăng mơheăm pro vâ xơtot, ah pro chiâng pá mâu mơheăm vâ kơtâu klêng tê mơ’rêh dêi kơpong tung kơ’năng tuăn [ă mâu troăng mơheăm tuăn. Drêng tuăn tro êi kô tơ’lêi pro ôh tá ‘nâi tâng, ah chiâng klêk.

Tơdroăng châi kố hmâ trâm a vâi ‘ne\ng, ki hên tâ cho a mâu hơnăm hiăng hên. Drêng kong hngiú, vâi ‘ne\ng tơ’lêi tro êi tung dế tuăn. Êi tơdế tuăn a vâi ‘ne\ng hmâ hlo vâi tơngê, châi tuăn, môi tiah tâng chuât tung tuăn, klêk, lo rơtốu tuăn, (pin tối ai mo\ng) ôh tá tâng hleăng [ă hên ki ê, tâng ôh tá re\ng pơlât, vâi ‘ne\ng kô chiâng hloh tung kơ’năng tuăn ah pro chiâng klêk tuăn.

Tro hngiú:  Tro hngiú cho tơdroăng ki hmâ trâm má môi drêng kong hngiú, malối drêng kong rơdâm. Mâu ngế ki tro tơngê hngiú, cho tơngê tô la tung dế châ mê tâ hngiú ôh tá lo têa kơxô, châi ko, pôu pr^ng ko, kơ-o, lo têa môh, tung châ lo xâk xoâ hbri hbríu xua kâi kơhngiú.

Châi klêa: Tâng ôh tá râk ăm dêi châ tơtô, pó kô pá vâ ví tơdroăng ki châi klêa. Châi klêa xua kong hngiú hmâ pro mơngế pin tâ châi klêa, mơđu\ng klêa, kâ ôu pá lăm pơyâng chiâng kơn^ng, ‘nâ hía châi klêa pơyâng lo têa, ai drêng ‘nâ lo hêa, chêng ko\ng hngiú. {ă malối tâ xâu kô hngiú.

Drêng châi klêa xua hngíu, pó kô chiâng ôu pơkeăng hlối bliu dêi klêa tâ tá klo ăm gá tơtô, tâng ôh, pế têa tô hlá ngải cứu tâ tung kơ’lo pêa dêi a kơpong klo [ă rơtâ tá klêa ăm tơtô. Pó thế xâp ếo tơtô, kơxo bung ăm tơtô dêi klêa drêng koi [ă pôi tá kâ kế ki chiâng kâ ối drêh, kế kâ ki hngiú, ki hiăng ngê.

Châi pơtok nong: Tơdroăng châi pơtok nong hmâ pro châi ah prêi klêi mê châi nếo a mâu hâi kong hngiú, xua drêng kong hngíu kô pro ivá kơdroh [ă hlối pro tơ’lêi mâu vi khuân heloicobaterpylori vâ xông rơdêi. Mâu vi khuân kố cho ki xiâm pro êi tung klêa hlối pro châi pơtok nong.

Tơdroăng ‘’ Ivá ăm rêm ngế’’ troh akố hiăng tâi, pó kô tơmâng ngin tối a rôh kơ’nâi ah nếo.

Gương tơplôu [ă tơbleăng