VOV4.Sedang - Hâi lơ 20/5, khu Mố đô̆i gak tơkăng kong hiăng rup 30 ngế ki mot tung tơnêi pin ôh tá tro luât, tơdah xo 55 ngế a mâu troăng tơkăng kong, Lạng Sơn, Cao Bằng, Thanh Hóa, Tây Ninh, Đồng Tháp, An Giang. Hlo pơreăng COVID-19 dế tâ tú ƀă hlo hên tơdroăng ôh tá tơniăn tung tơnêi têa, tung pơla mê, tơdroăng ki mâu ngế ki ê mot tung tơnêi têa pin ôh tá tro luât xuân tá hâi kơdroh, Thiê̆u tươ̆ng Hoàng Hữu Chiến, kăn phŏ tí tăng ‘nâi plĕng kăn pơkuâ Mố đô̆i gak tơkăng kong hnê mơhno, khu lêng mố đô̆i gak tơkăng kong mơdêk hnoăng cheăng tối tơbleăng, mơhnhôk khu lêng ƀă kuăn pơlê kơpong tơkăng kong, kơpong têa kơxĭ pôi tá tŏng kum, kơtoâ, ăm mâu ngế ki mot tung tơnêi têa pin ôh tá tro luât.

Tung tơnêi têa a mâu tíu ki gak, a mâu bo cheăng, mâu khu lêng ki ai tơdjâk troh tơkŭm a mâu kong pơlê ki xiâm ‘na tơdroăng ki mâu ngế ki ê mot tung tơnêi têa, ôh tá tơniăn, malối cho a troăng tơkăng Việt Nam – Sinuâ, Việt Nam – Kul.

Nga tơplôu ƀă tơbleăng