VOV4.Sêdang - A Hà Nội, Khu kăn Vi ƀan xiâm Măt trâ̆n tơnêi têa Việt Nam ƀă Vi ƀan Hdroâng kuăn ngo nếo tơkŭm po hneăng hôp mơgêi 5 hơnăm pêi pro tơdroăng tơrŭm cheăng pơla hơnăm 2017-2021 ƀă kĭ tơdroăng tơrŭm cheăng pơla hơnăm 2021-2025. Tung mâu hơnăm hdrối nah, péa pâ hiăng tơrŭm tơbleăng tơdroăng cheăng rak tơniăn khôi túa, vêa vong mâu hdroâng kuăn ngo; tơbleăng mâu troăng rơhlâ dêi Đảng, luât tơnêi têa ‘na mơnhông mơdêk cheăng kâ- rêh ối, mơnhông mơdêk hdroâng kuăn ngo.

Pôa Đỗ Văn Chiến, Kăn xiâm hnê ngăn Vi ƀan xiâm Măt trâ̆n tơnêi têa Việt Nam pâ thế tung la ngiâ, péa pâ kal mơdêk tơrŭm tơbleăng mâu tơdroăng pơkâ pêi dêi tơnêi têa ‘na mơnhông cheăng kâ-rêh ối; thế tí tăng êng vâ ‘nâi tơdroăng púi vâ dêi kuăn pơlê, tơkŭm pêi tro tơdroăng tơ’noăng pâ nhoăm tơnêi têa, mâu tơdroăng mơhnhôk veăng kum hdroâng kuăn ngo mơnhông cheăng kâ, mơjiâng thôn pơlê nếo, tơniăn kring gak tung pơlê cheăm; malối tơdroăng pơkâ dêi tơnêi têa, mơnhông cheăng kâ rêh ối kơpong hdroâng kuăn ngo  ƀă kong ngo pơla hơnăm 2021-2025.

Gương tơplôu ƀă tơbleăng