VOV4.Sêdang - Pôa Võ Văn Thưởng, Ngế cheăng tung Khu xiâm pơkuâ ngăn Đảng  nếo kĭ pơkâ kơxô̆ 05-CT/TW dêi khu kăn xiâm Đảng ‘na ‘’Mơdêk hnoăng cheăng pơkuâ hnê mơhno dêi Đảng ƀă tơdroăng pêi pro vâ xăm kơtiê krá ton troh hơnăm 2030’’. Vâ pêi châ tơ-ƀrê tơdroăng pơkâ kơxô̆ rơpŏng kơtiê ki hên troăng pơtối rak a kơlo xăm 1-1,5% tung hơnăm ki Pơkâ a Hneăng hôp má 13 dêi Đảng hiăng tơbleăng; mơ-eăm troh hơnăm 2030, ôh pá ai xếo tơring kơtiê, cheăm kơtiê xơpá.Khu kăn Đảng thế rêm râ Đảng, khu tơrŭm cheăng, mâu kăn, Măt trâ̆n tơnêi têa Việt Nam ƀă mâu khu pú hên tơkŭm hnê mơhno pêi tơdroăng xăm kơtiê krá ton.

Tơdroăng xăm kơtiê krá ton cho tơdroăng ki kal tung mâu tơdroăng pơkâ mơnhông cheăng kâ-rêh ối rêm hơnăm, Pơkâ mơnhông cheăng kâ - rêh ối 5 hơnăm sap hơnăm 2021-2025 ƀă tơdroăng mơnhông  cheăng kâ rêh ối 10 hơnăm sap ing hơnăm 2021-2030 dêi rêm râ, kơvâ cheăng, kong pơlê, tíu pêi cheăng.

Gương tơplôu [ă tơbleăng