VOV4.Sêdang - Mơ-eăm troh lơ 1/7 kô pro ăm châ 50 rơtuh to theh căn cước ăm kuăn pơlê ki krâ krâ chíp điê̆n tưh vâ xúa tung pêi cheăng mơdró kâ dêi kuăn pơlê”. Kố cho tơdroăng nếo tối tơbleăng mơ’no tơdrêng tung um tơvi Mơgêi tơdroăng tơkêa bro tơ’lêi hlâu hlá mơ-eá kuăn pơlê ki chêh tơdjâk troh pơla hơnăm 2021-2020 (tơdroăng tơkêa bro 896) châ tơkŭm po a kơxo lơ 23/4, a tíu pêi cheăng Chin phuh.

‘Na ăm kơxô̆ inâi mơngế, ing hlá mơ-eá Khai sanh ăm vâi hdrêng ki nếo kot mâ, riân troh lơ 24/3 kố nah, kơmăi dêi Khu xiâm ngăn ‘na luât hiăng chêh ƀă ăm lối 5 rơtuh kơxô̆ inâi mơngế ăm vâi hdrêng ki nếo kot mâ cho kuăn pơlê Việt Nam. Tối tơbleăng a hneăng hôp, pôa Trương Hòa Bình, Ngế pro xiâm phŏ hnê ngăn Chin phuh thế, mâu khu xiâm kơvâ cheăng, kong pơlê tơrŭm ƀă Khu xiâm kŏng an tung tơdroăng tơdjêp kơvâ cheăng vâ tí tăng ‘nâi mâu tơdroăng tung pơla pro hlá mơ-eá môi tiah mơnhên mâu tơdroăng dêi ngế ki xúa, kơjo kum séa ngăn mâu tơdroăng dêi kuăn pơlê.

Gương tơplôu ƀă tơbleăng