Mâu kăn Kuo#k ho#i ai tối tiah kố, tung pơla ai tơdroăng hle\ng heâk pơloi tung măng internet rế hên, [ă ki hle\ng vâi rế pơkí pro hên ngế chiâng mơngế ki lu\p tá tơmeăm [ă tơ’nhê ‘na tuăn ngôa. Xua mê, tơdroăng ki Ngế pro xiâm hnê ngăn tơnêi têa hnê mơhno thế teăm mơdât tơdrêng tơdroăng ki hle\ng pơloi tung măng vâ kring vế hnoăng ki xúa, tơmeăm khoăng [ă kring vế ivá tuăn ngoâ dêi kuăn pơlê.

Pôa Đỗ Đức Hồng Hà, khu kăn pơkuâ ngăn pơlê kong kân Hà Nội, tối:

‘’Ing mâu tơdroăng ki hle\ng heâk pơloi tung pơla hdrối kố nah, malối mơhno ăm hlo ki hle\ng pơloi mê cho vâi mơhno\ng pro ‘nâng. Ing mê, kuăn pơlê kal thế ‘nâi hbrâ kơchăng, hbrâ rơnáu xêh, hriăn tăng troăng ki vâ ví kơ vâi heâk pơloi.

Má péa nếo, mơnhên hnoăng cheăng dêi mâu kơ koan rak ngăn tơnêi têa, mâu kơ koan ki ai hnoăng heăng tung pêi pro mơdât mâu ki hle\ng heâk pơloi tung măng vâ teăm châ ‘nâi, re\ng tối tơbleăng ăm kơ koan râ kơpêng [ă tơbleăng tơdroăng ki pơxâu phak mê. Hlối vâ pơxâu phak hên tối ăm mâu ki hâi ai xôi’’.

Tung mâu khế achê pơla kố, hiăng ai hên tơdroăng heâk pơloi tung phôn râng ko\ng, chêh tin nhắn tối châ mơhúa troh kơxo# phôn, chêh pơloi tối inâi kơ koan cheăng ‘na luât krếo phôn thế kuăn pơlê mê nâp liăn a tai khoan vâ séa ngăn, klêi mê, xo kâ liăn; hlối xo xúa xêh tai khoa ing măng pơlê pơla vâ hêak pơloi, lu lêa ing tơdroăng pêi pro hơ’leh tơmeăm, drêng tê rôe tơmeăm ing măng…

Pôa Bùi Thanh Tùng, Khu kăn pơkuâ ngăn pơlê kong kơdrâm Hải Phòng tối thế mâu khu xiâm, kơvâ cheăng séa ngăn mâu tơdroăng ki  tơ’lêi hle\ng hêak pơloi; vâ teăm châ ‘nâi mâu tíu vâi ối tơngôu, ối tro piu, vâ re\ng châ ‘nâi ‘na tơdroăng ki tro; hbrâ rơnáu pơkâ troăng hơlâ vâ mơdât mâu tơdroăng ki hle\ng heâk pơloi mê:

‘’Tơdroăng hơ’leh tiô túa nếo 4.0 rế mơnhông mơdêk, xuân môi tiah mơdêk ‘na internet nôkố cho tơdroăng ki kal thế rak vâ tơniăn tơdroăng kring vế tơnêi têa; tơniăn séa ngăn mâu tơdroăng ki ki lơ hle\ng heâk pơloi, xo tơdroăng pro pơxúa mâu ki ê. Tơdroăng séa ngăn kô pro tơ’lêi ăm mâu kơ koan ngăn ‘na luât châ vâ pơxâu phak mơngế ki xôi, ki pro xôi tro luât tơdjâk troh hle\ng heâk pơloi, tong kâ, tơdjâk troh ki pơxúa oh tá tro luât dêi kuăn pơlê’’.

Tối môi tiah mê há, jâ Nguyễn Thị Việt Nga, khu kăn pơkuâ ngăn kong pơlê Hải Dương tối nhên tơdroăng hle\ng heâk pơloi tung măng dế hlo rế hên nôkố. Pak^ng tơdroăng hle\ng heâk pơloi vâ tê tơmeăm mê mâu ngế ki mê ối tong mâu tơdroăng dêi ngế ki ê vâ pơtroh tin nhắn, email, krếo phôn lông thế, tơbleăng tơmeăm... Tối ‘na tơdroăng ti lâi lơ chiâng ‘nâi châ chêh xo mâu tơdroăng krê tơ’lêi hlâu tiah mê? Jâ Nguyễn Thị Việt tối thế Khu xiâm ngăn ‘na tơdroăng hyôh internet um tivi tơru\m [ă Khu xiâm Ko\ng an ai troăng hơlâ pêi kơtăng [ă pơxâu kơtăng mâu ngế ki xôi hle\ng hêak pơloi tung măng:

‘’Pin hiăng ai Luât kring vế tơniăn tung măng cho luât Kring tơniăn măng hiăng xúa tung rêh ối. Laga, púi vâ pêi nhên kơtăng khât tâ. Ôh tá xê to tơdjâk troh Khu xiâm ngăn hyôh rơ’jiu internet  mê ối tơdjâk troh Khu xiâm Ko\ng an, veăng tơmâng hlối tơru\m [ă pơla péa kơ koan kố cho kal păng ‘nâng, vâ pin kâi mơdât. La tung rơxông hơ’leh cheăng [ă  kơmăi kơmok  tiô túa nếo 4.0, mê gá kô ai hên tơdroăng ki heâk pơloi ki nếo, ai hên tơdroăng oh tá tro tơdjâk troh ‘na cheăng kơmăi, mâu kơ koan, khu râ pơkuâ cheăng xuân kal thế veăng tơmâng khât [ă teăm tơdrêng pro ti lâi vâ mơdât tơtro tơniăn tung rêh ối ăm kuăn pơlê’’.

Ôh tá xê to hle\ng heâk kơ kuăn pơlê mê mâu kăn a hên cheăm tơring kong pơlê xuân tro mâu ki hle\ng heâk pơloi há. Pôa Bùi Văn Xuyền, khu kăn pơkuâ kong pơlê Thái Bình tối: Tung luât kring tơniăn măng [ă Khu luât kuăn pơlê xivil xuân hiăng pơkâ tơdjâk troh ki pơkí tơdroăng krê dêi tơná, kơtôa pơkí mâu tơdroăng tơná. La mâu kơ koan khu râ pơkuâ cheăng hâi tơleăng tâi ing tơdroăng mơdêk rơdêi ‘na măng xah ho#i.

Pôa Bùi Văn Xuyền tối :

‘’A tơmiât, kố xuân cho môi tung mâu tơdroăng ki kal thế ‘mâi rơnêu, malối cho Khu xiâm ngăn hyôh um rơ’jiu, internet tơru\m [ă Khu xiâm Ko\ng an [ă tơná kuăn pơlê drêng ‘nâi ai tơdroăng mê thế gá xuân thế pơkâ tơdroăng vâ pêi pro’’.

Lại Hoa -VOV1

Gương tơplôu [ă tơbleăng