VOV4.Sêdang -  Kơxo kố, lơ 10/6, a Hà Nội, Khu xiâm pơkuâ ‘na pêi chiâk deăng ƀă mơnhông mơdêk thôn pơlê tơkŭm po hneăng hôp mơ’no tơdrêng tung um tơvi troăng mơdêk châ tơƀrê tơnăng, têng, mơjiâng tơmeăm kâ, tê ká xi xŏng hơnăm 2021. Mơhé tơdjâk dêi pơreăng Covid-19, hơnăm 2020 tơdroăng tơnăng xuân pơtối châ rak tâk hên, kơlo mơdêk ki kơnâ tơnăng, têng ká xi xŏng ƀă tâi tâng ká xi xŏng hơnăm 2020 tâk tâng pơchông ƀă hơnăm 2019, ƀă 3,85 rơtuh tâ̆n; kơxô̆ liăn châ xo tê tơmeăm ngi kong têa ê châ 8,6 rơtal dollars, tung mê, ká xi xŏng châ 3,2 rơtal dollars.

Tiô mơnhên tơdjuôm, pơreăng Covid 19 pơtối xông tâ tú ó, troăng tê ká xi xŏng trâm pá, tro pơtê tơdroăng mơdró ká xi xŏng a hên ngi  kong têa ê; ká xi xŏng kơdroh; Tơbleăng tối “Theh trĭng” dêi Vi ƀan châu Âu tá hâi châ tah pơtối tơdjâk hên tơdroăng tê ngi kong têa ê ká xi xŏng cho mâu tơdroăng pá puât ki kơvâ ká xi xŏng dế trâm.

A Sa Ly tơplôu ƀă tơbleăng