VOV4.Sêdang - Khu kăn cheăng dêi khu xiâm pơkuâ ngăn lêng xua pôa Phùng Sĩ Tấn, Kăn phŏ tí tăng ‘nâi plĕng mâu tơdroăng ăm Ngế xiâm pơkuâ ngăn  lêng Việt Nam pro xiâm djâ khu kăn lăm pôu, pêi cheăng ƀă Vi ƀan kong pơlê ‘na tơdroăng cheăng gu tơbăng thế ‘mâi xĕn hngêi trăng pơlê pơla vâ pro tơdroăng tơkêa bro troăng kân Trường Sơn Đông a kong pơlê Dak Lak.

Tơdroăng tơkêa bro troăng Trường Sơn Đông tơkâ luâ kong pơlê Dak Lak ai ki xŏn lối 126 km.  Troh nôkố, hiăng pro klêi, hiăng ngăn hlối pơcháu 52km. Hơnăm 2020, tơbleăng mơjiâng pro 13 khu mơjiâng. Laga, xua tơdjâk dêi tơdroăng ‘mâi xĕn chêl thiăn liăn gu tơnêi mê mâu kơxô̆ liăn ‘no mơjiâng pro tung kong pơlê chiâng hrá pro.

A rôh pêi cheăng, Trung tươ̆ng Phùng Sĩ Tấn pâ thế Kăn hnê ngăn kong pơlê Dak Lak tơmâng, hnê mơhno mâu kơ koan khu râ pơkuâ cheăng tơrŭm krá ƀă Khu rak ngăn tơdroăng tơkêa bro mơdêk pro hlá mơ-eá, mơ-dêk, ‘mâi xĕn gu tơbăng tơnêi, rĕng mơjiâng pro.

Kăn hnê ngăn Vi ƀan kong pơlê tối kô pro tơ’lêi hlâu vâ tơdroăng tơkêa châ pêi pro tro tiô pơkâ; ‘nâi nhên kố cho tơdroăng ki tro má môi vâ kong pơlê mơnhông cheăng kâ-rêh ối rơtế ƀă tơdroăng ‘mâi mơnhông cheăng lêng - kring vế tơniăn.

Gương tơplôu ƀă tơbleăng