VOV4.Sêdang - Tung hơnăm kố, Măt tra#n tơnêi têa mâu kong pơlê a kơpong Tây Nguyên rơtế [ă mâu tơring, cheăm hiăng tơku\m hnê mơhno mâu tơdroăng pơkâ dêi Đảng, tơdroăng cheăng pơkâ dêi khu râ Đảng, khu pơkuâ ngăn, Măt tra#n tơnêi têa mâu kong pơlê Tây Nguyên hiăng mơhnhôk veăng tơlo vâ chê 56 rơtal liăn, cho ing kơxo# liăn kum mơngế kơtiê, ing mê, veăng kum mơjiâng nếo [ă ‘mâi rơnêu lối rơpâu toăng hngêi tơru\m tuăn.

Tiô tối tơbleăng a rôh hôp, hơnăm kố, tơdroăng cheăng măt tra#n dêi Kơpong tơ’noăng mâu kong pơlê kơpong Tây Nguyên châ tơbleăng tơtro [ă mâu tơdroăng pơkâ, hnoăng cheăng pơkâ nhên, pêi pro troh koh tơdah hneăng hôp tơ’noăng pâ nhuo#m tơnêi têa [ă hneăng hôp Đảng [o#, rêm râ. Mâu kong pơlê hiăng mơdêk hnoăng cheăng dêi mâu [ok xối, jâ ch^ng, krâ pơlê, ngế ki châ kuăn pơlê loi nhuo#m tung kơpong hdroâng kuăn ngo, tơru\m [ă rêm râ kơvâ cheăng mơdêk tối tơbleăng, mơhnhôk kuăn pơlê pêi pro mâu troăng hơlâ hbrâ mơdât pơreăng Covid-19.

Tơdrêng amê, mâu tơdroăng tơ’noăng, mơhnhôk pơtối châ Măt tra#n Tơnêi têa mâu kong pơlê Tây Nguyên tơbleăng hlo tơ-[rê, tơtro [ă hnoăng cheăng kơdroh kơtiê krá ton, po rơdâ mâu túa pơkâ rak ngăn xêh a tíu kuăn pơlê rêh ối [ă hên ki ê. Tung hơnăm, 5 kong pơlê kơpong Tây Nguyên hiăng mơhnhôk châ vâ chê 56 rơtal liăn tung Khu rak liăn kum mâu kơtiê, ing mê, kum pro ki nếo [ă rơnêu lối rơpâu to hngêi tơru\m; kum tơdrêng ăm kuăn pơlê ki trâm pá xua kong mê khía mơhot têa kân lân lu, têa xăng po lân mot; pôu kơ-êng, hbru tơmeăm ăm lối rơpâu ngế rơpo\ng kơtiê, diâp liăn hriâm rơkê ăm vâi hdrêng kơtiê ki rơhêng vâ hriâm.

A hneăng hôp, mâu kăn hiăng tơpui tơno tơdroăng ki rơkê ple\ng, túa pêi ki tro ‘ló dêi kong pơlê tung tơdroăng pêi klêi tơdroăng pơkâ tơnêi têa ‘na mơjiâng thôn pơlê nếo [ă kơpho# rơkê ple\ng, mơjiâng mâu kơpong kuăn pơlê rêh ối. 

Jâ H’Kim Hoa {yă, kăn hnê ngăn Vi [an Măt tra#n Tơnêi têa Việt Nam kong pơlê Dak Lak tơpui a rôh hôp

Pôa Đường Anh Ngữ, kăn pho\ hnê ngăn Vi [an Măt tra#n Tơnêi têa Việt Nam kong pơlê Lâm Đồng tối:

‘’Măt tra#n kong pơlê Lâm Đồng mơnhên, kơpong kuăn pơlê rêh ối cho kơpong ki kal dêi hnoăng cheăng măt tra#n nôkố. Cho hiâm mơno dêi mơjiâng kơpong kuăn pơlê rêh ối kơhnâ, kơpong kuăn rêh ối tiô túa cho vâ mơjiâng khu tơru\m tâi tâng hdroâng kuăn ngo rơdêi a kong pơlê [ă a kơpong kuăn pơlê rêh ối [ă veăng kum mơjiâng, pêi klêi mơdêk mâu tơdroăng pơkâ mơjiâng thôn pơlê nếo [ă kơpho# rơkê ple\ng’’.

Măt tra#n rêm râ [ă khu tơru\m droh rơtăm mâu kong pơlê Tây Nguyên hiăng mơdêk châ tơ-[rê hnoăng cheăng ‘nâi nhên tơdroăng péa pâ cho tơdroăng kuăn pơlê, kuăn pơlê pơlê pơla [ă re\ng tối tơbleăng tơdrêng, pơkâ mơ’no ăm rêm râ, mâu kơvâ cheăng pơkâ tơleăng mâu tơdroăng ki rơhêng vâ pêi pro tơtro luât, tơdrăng dêi kuăn pơlê; tơtro\ng mơdêk hnoăng cheăng dêi mâu tơdroăng loi t^ng, mâu [ok xối, jâ ch^ng, krâ pơlê, ngế ki châ kuăn pơlê loi nhuo#m kơhnâ rơkê tung kơpong hdroâng kuăn ngo. 

Pôa Phùng Khánh Tài, kăn pho\ hnê ngăn Vi [an xiâm Măt tra#n Tơnêi têa Việt Nam tơpui mơgêi rôh hôp

Pak^ng mê, Vi [an Măt tra#n tơnêi têa Việt Nam mâu kong pơlê kơpong Tây Nguyên tơru\m [ă khu kăn pơkuâ, tơku\m mâu ngế cheăng mơdêk tối tơbleăng, mơhnhôk kuăn pơlê pêi pro mâu troăng hbrâ mơdât pơreăng Covid-19; mơdêk tối tơbleăng ki ôh tá tơniăn dêi pơreăng, hbrâ rơnáu mâu tơdroăng pêi pro tung hnoăng cheăng hbrâ mơdât.

‘Na hnoăng cheăng to\ng kum mâu kơtiê [ă mâu ngế ki châ chăn ôh tá mo tung la ngiâ, kăn pâ thế Tơnêi têa xing xoăng tơ’nôm liăn vâ pro hngêi tơru\m ăm mâu kong pơlê tung kơpong. Jâ H’Kim Hoa {yă, kăn hnê mơhnhôk cheăng, kăn hnê ngăn Vi [an Măt tra#n tơnêi têa Việt Nam kong pơlê Dak Lak ăm ‘nâi, kong pơlê đi đo ‘nâi nhên tơdroăng tơrêm tơring, cheăm vâ xing xoăng liăn tơ-[rê.

‘’Măt tra#n tơnêi têa kong pơlê Dak Lak xuân hiăng rơtế [ă mâu kơvâ cheăng, rêm râ ai tơdroăng ki krếo thế to\ng kum pro hngêi tơru\m [ă xing xoăng liăn mê ‘na mâu tơring, cheăm, laga tiô kơlo. Pơtih [ă mâu tơring ki malối xơpá, tơring kơtiê mê kơxo# hngêi châ xoăng pro hên tâ. {ă mâu tơring ki ôh ti xơpá mê kô châ xoăng tơ-ê tâng vâ pơchông [ă tơring ki malối xơpá.

{ă mâu tơring, pơlê kong krâm, pơlê kong kơdrâm chía niân tâ mê xuân xoăng phá tơ-ê tâ. Tiah mê, tơdroăng ki xoăng hngêi mê kô kơnâ tâ [ă mâu rơpo\ng kơtiê tung mâu tơring cheăm dêi kong pơlê’’.

Tơpui mơgêi hneăng hôp, pôa Phùng Khánh Tài, kăn pho\ hnê ngăn Tíu xiâm Măt tra#n Tơnêi têa Việt Nam khe\n kơdeăn, tơmâng xo mâu tơdroăng ki pêi pro, tơ-[rê dêi Măt tra#n mâu kong pơlê kơpong Tây Nguyên hiăng pêi klêi tung hơnăm 2020. Tơdrêng amê hnối pơkâ thế, Măt tra#n tơnêi têa mâu kong pơlê Tây Nguyên kal rah xo mâu tơdroăng pêi ki xiâm, tro tơdroăng vâ tối tơbleăng, rế hbrâ mơdât pơreăng Covid-19, rế mơnhông mơdêk cheăng kâ rế rak tơniăn tơdroăng rêh ối pơlê pơla; tơdrêng amê hnối mơdêk ki rơdêi, hnoăng cheăng, ki rơkê ple\ng túa pêi ki tro ‘ló tung hnoăng cheăng hdroâng kuăn ngo, tơdroăng loi t^ng tiô khôp.

Măt tra#n tơnêi têa mâu kong pơlê Tây Nguyên athế riân ngăn nếo mâu rơpo\ng kơtiê rơpo\ng vâ chê kơtiê, séa ngăn xiâm kối kơtiê [ă kal ai troăng hơlâ klâi vâ hluăn ing kơtiê; pơtối mơdêk ki rơdêi dêi măt tra#n tung mâu tơdroăng cheăng, tung tơdroăng cheăng pêi pro pâ thế troh tui lui. Pak^ng mê, Măt tra#n athế tơru\m, môi tuăn pêi pro [ă khu tơru\m mâu ngế cheăng, pôi tá pro pá, tơku\m hên tơdroăng cheăng a pơlê, cheăm, pro kơpong kuăn pơlê rêh ối tung tơdroăng tơ’noăng [ă rôh mơhnhôk, pro mơhrê ivá [ă hâi khế dêi mâu pơlê cheăm.

Pôa Phùng Khánh Tài xuân pơkâ thế, râ Đảng mâu kong pơlê kơpong Tây Nguyên tơmâng ngăn, pơcháu ăm Khu hnê mơhnhôk cheăng pro tíu xiâm mơjiâng troăng hơlâ, xoăng hnoăng cheăng ki nhên ăm tơring, cheăm, kăn [o# vâ hnoăng cheăng măt tra#n hơnăm 2021 châ tơ-[rê khât.

H Xíu H’Mok chêh

Katarina Nga tơplôu [ă tơbleăng