Ƀă tơdroăng ki xiâm “Pơtê ro ngăn Đà Nẵng 2025 - Hiăng châ hlo ‘nâi”, tơdroăng tơbleăng mâu tơdroăng leh mơdĭng, tơdroăng po leh ki kân  ro , tơmeăm tê mơdró ƀă mâu túa tơmeăm ki tơ’nôm drêng rôe ăm tơmối ki troh ôm hyô a Đà Nẵng tung hơnăm kố. Tung mê, tơkŭm 2 tơdroăng ki kal, tơmối kô châ xúa tơdroăng tŏng gum ‘na ôm hyô tê kơtê lăm hyô ngăn, ngăn mâu tíu tơbâ, tíu ôm hyô; kơdroh tơdế yă tê vĕ mâu tíu ăm kâ koi ối pơtê, xah hêi a mâu tíu ôm hyô dêi mâu tíu pêi cheăng veăng tơdroăng mơhnhôk mơngế troh ôm hyô.

Pôa Tán Văn Vương, Phŏ pơkuâ ngăn Tíu ôm hyô Pơlê kong kân Đà Nẵng ăm ‘nâi, kơpong tơdế tơnêi têa - Tây Nguyên cho môi tung 3 kơchơ mơdró ki xiâm ki Đà Nẵng tơmiât vâ mơnhông tung la ngiâ ‘na ôm hyô tung hơnăm kố.