Hâi thơ Việt Nam a Kon Tum ƀă tơdroăng pói vâ Tơnêi têa xông kơneăng
Thứ năm, 14:48, 13/02/2025
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Dó inâi ‘’Tơnêi têa xông kơneăng’’, Hâi thơ Việt Nam châ Khu pơkuâ Văn hok Ngê̆ thuât kong pơlê Kon Tum tơkŭm po hâi lơ 12/2, ai hên tơdroăng pro tíu trâm, tơno sôk ro pơla mâu ngế chêh thơ ƀă ngế hâk vâ thơ.
Hâi thơ Việt Nam roh má 23 hơnăm 2025 a kong pơlê Kon Tum châ pơxiâm ƀă tơdroăng pơchuât thơ vâ pơ-ô pơ-eăng mâu tơdroăng châ tơƀrê thơ ca. Rơtế ƀă tơdroăng xiâm tơkŭm po tung hâi, mê cho: Kơmăng thơ Nguyên tiêu; Tơbleăng ngế chêh thơ Kon Tum; Tơno ‘na thơ Kon Tum ƀă mâu troăng djâ thơ troh ƀă pơlê pơla...
Khu pơkuâ Văn hok ngê̆ thuât kong pơlê Kon Tum xuân tơkŭm po hên tơdroăng ki kơnâ, môi tiah: Diâp thơ ing troăng chêh pơtih chư; Mơđah tơbleăng um lĕm ‘na Kon Tum... Hâi thơ Việt Nam hiăng mơjiâng tíu trâm mâ ki ro dêi 147 ngế tung Hô̆i Văn hok ngê̆ thuât kong pơlê Kon Tum ƀă mâu ngế hâk vâ thơ.
Viết bình luận