Mơđah tơbleăng “Hơnăm khế tá hâi hngế - Gia Lai – Kon Tum klêi kơ’nâi 1975” po a Plông kân Đại Đoàn Kết, pơlê kong kơdrâm Pleiku, mơđah tơbleăng 150 kơtâ um ki kơnía ‘na tơdroăng rêh ối kuăn pơlê Gia Lai – Kon Tum tung mâu hơnăm apoăng klêi kơ’nâi tơleăng. Mâu um ki khât ‘na tơdroăng rêh ối pêi cheăng, hriâm tâp ƀă hên ki ê mơhno tối hiâm mơno mơ-eăm tơkâ luâ xơpá dêi kuăn pơlê pin klêi kơ’nâi hâi tơleăng.

A Tíu ‘măn rak tơmeăm kong pơlê Gia Lai, Mơđah tơbleăng ai inâi “50 hơnăm mơjiâng ƀă mơnhông” tơbleăng pái tơdroăng ki kal, mê cho: Mơngiơk túa lĕm tro Gia Lai; Gia Lai tung rôh tơplâ tơleăng hdroâng mơngế; 50 hơnăm mơjiâng ƀă mơnhông. Mơđah tơbleăng kố mơhno khôi hmâ khên tơnôu ƀă mâu tơdroăng tơƀrê ‘na cheăng kâ, túa lĕm tro, rêh ối pơlê pơla, gâk kring, cheăng lêng dêi kong pơlê, tơdrêng amê hlối tối rơdêi tơdroăng ki hâk tơngăm tung tơdroăng pơkuâ dêi Đảng.

Pơtối mê cho Mơđah tơbleăng “50 hơnăm văn hok nghê̆ thuât kong pơlê Gia Lai” mơđah tơbleăng 80 kơtâ um nghê̆ thuât, ngế ki xup um rơkê rơtế 120 to tơdroăng ki hriăn ngăn ‘na túa lĕm tro ngê̆ thuât chal krâ. Tơdroăng po mơđah tơbleăng kố lôu péa sap ing nôkố troh hâi lơ 4/5.