
Hâi xah hêi ro hơnăm kố veăng amê ai lối 200 ngế kuăn pơlê cho teăng mâ pơlê, kăn pơkuâ pơlê ki kơhnâ rơkê, mâu ngế rơkê, ngê̆ nhân dêi 28 pơlê pơla hdroâng kuăn ngo ối tung 14 kong pơlê teăng mâ ăm mâu hdroâng kuăn ngo, kơpong tung lâp tơnêi têa. Tung mê ai mâu hdroâng kuăn ngo iâ mơngế, môi tiah: hdroâng kuăn ngo Lô Lô, Pà Thẻn, Bố Y, La Chí (kong pơlê Hà Giang); hdroâng Mảng, Si La, Kháng, Hà Nhì, Cống (kong pơlê Lai Châu); hdroâng Brâu, Rơ Măm (kong pơlê Kon Tum); hdroâng Ơ Đu (kong pơlê Nghệ An).

Xông tơpui a hâi xah hêi ro, teăng mâ khu râ kăn pơkuâ Đảng, Tơnêi têa, pôa Lương Cường, Kăn xiâm hnê ngăn tơnêi têa mơnhên, mơjiâng tơdroăng tơrŭm môi tuăn hdroâng kuăn ngo cho môi hnoăng cheăng ton xŏn, môi tuăn sap apoăng troh tui lui ai kơnâ kal khât dêi Đảng ƀă Tơnêi têa pin, vâ djâ tơnêi têa mơnhông mơdêk rĕng ƀă krá tơniăn tung rơxông nếo – rơxông mơ-eăm mơnhông kro mơdrŏng dêi hdroâng kuăn ngo.
Viết bình luận