VOV4.Sêdang - Hơnăm 2020 cho hơnăm ki ai hên tơdroăng ki pá puât dêi kơvâ ngăn ‘na pơkeăng [ă khăm pơlât kong pơlê Dak Lak drêng môi hdroh athế tơplâ mơdât [ă pơreăng COVID-19, hnối mơdât tá pơreăng êi rơtối krôk. Drêng ai mâu tơdroăng ki pá puât mê, [ă hnoăng cheăng [ă tơdroăng ki kơhnâ git dêi hnoăng cheăng dêi mâu [ok thái pơkeăng, thái pơkeăng [ă mâu ngế cheăng ‘na pơkeăng dêi kong pơlê Dak Lak hiăng ‘no tâi ivá, hiâm mơno vâ tơplâ mơdât [ă tơdroăng pơreăng mê, kring vế, rak ngăn tơniăn ăm kuăn pơlê.

-Ô pôa Nay Phi La, hơnăm hdrối kố nah, kơvâ ngăn pơkeăng pơlât Dak Lak hiăng trâm hên xơpá drêng rơtế môi xôh trâm [ă pơreăng COVID-19 [ă pơreăng êi rơtốu krôk. Kơvâ ngăn pơkeăng pơlât Dak Lak hiăng ai mâu troăng hơlâ pơkâ môi tiah lâi vâ hbrâ mơdât péa túa pơreăng kố?

Pôa Nay Phi La: ‘’{ă pơreăng êi rơtốu krôk drêng châ ‘nâi mâu ngế ki tâ mê vê hdró kơpong [ă pâk vaccine êi rơtốu krôk hlối. {ă pơreăng COVID-19 tá hâi ai vaccine xua mê, hnoăng cheăng ki apoăng cho athế vê hdró kơpong, tí tăng [ă pâk xo mơheăm séa ngăn vâ ai túa pơkâ pêi pro tơdrêng vâ hbrâ mơdât pôi tá ăm pơreăng tâ tú tung pơlê pơla. ‘Na mâu ngế cheăng, pak^ng tơdroăng ki mơhnhôk tâi tâng mâu kăn [o#, mâu ngế cheăng ‘na khăm pơlât pôi tá chiâng pơtê phêp rơtế amê hnối mơhnhôk mâu kăn [o# ngăn pơkeăng pơlât dế hriâm a mâu hngêi trung Đăi hok lăm veăng gak xuân môi tiah hbrâ mơdât pơreăng COVID-19.

Tơdrêng amê cho krếo tơ’nôm kăn [o# ngăn pơkeăng ki hiăng pơtê cheăng ki achê kố [ă krếo thế tâi tâng mâu sinh viên khoa y hơnăm má mơ’nui rơtế [ă kơvâ ngăn pơkeăng tung tơdroăng ki séa ngăn, pâk xo mơheăm xuân môi tiah vê hdró kơpong vâ hbrâ mơdât pơreăng.

Pôa Nay Phi La sâp ếo bông rơtế [ă mâu kăn kong pơlê Dak Lak

-{ă mâu tơdroăng pơkâ rak vế mâu ngế ki cheăng ‘na khăm pơlât [ă hbrâ mơdât pơreăng tâ tú a mâu tíu khăm pơlât châ kơvâ cheăng tơbleăng môi tiah lâi, ô pôa?

Pôa Nay Phi La: ‘’Kơvâ ngăn pơkeăng hiăng tí tăng ‘nâi ple\ng ăm Vi [an hnê ngăn kong pơlê hbrâ rơnáu, rak vế ăm tâi tâng mâu ngế ki cheăng ‘na khăm pơlât xuân môi tiah mơjiâng môi kơpong klâ krê ăm tâi tâng mâu kăn [o# ngăn pơkeăng xuân môi tiah mâu ngế ki veăng tung hbrâ mơdât pơreăng drêng ai mâu ngế ki tâ tú pơreăng tung pơlê pơla malối cho mâu nho\ng o ki cheăng tơdrêng cho pơlât, pâk xo mơheăm, [ă tí tăng mâu ngế ki ối achê [ă ngế ki tâ pơreăng. Krê [ă hngêi pơkeăng mê pak^ng pêi pro tơdroăng pơkâ 3088 dêi Khu xiâm ngăn pơkeăng pơlât, 4 túa pơkâ dêi kong pơlê, túa pơkâ dêi kơvâ ngăn pơkeăng mê mâu hngêi pơkeăng mơjiâng pro xêh mâu tơdroăng drêng ai mâu ngế ki châ ‘nâi tung kơbong khăm mê [ă túa pơkâ kô klâ krê pơla kơbong [ă kơbong, klâ pơla tíu [ă tíu, pơla hngêi pơkeăng [ă hngêi pơkeăng, ví tơdroăng ki môi to hngêi pơkeăng, môi tíu khăm pơlât tro klâ krê tâi tâng’’.

-Tơdroăng pơreăng COVID-19 rôh má 3 tâ tú a rôh vâ chê Têt Lo hơnăm nếo Tân Sửu mê pro kơvâ ngăn pơkeăng Dak Lak trâm tơdroăng ki xâu rơ-iô drêng Gia Lai, kong pơlê ki tơdjêp k^ng [ă Dak Lak hiăng ai hên ngế tâ tú tung pơlê pơla. Kơvâ ngăn pơkeăng pơlât Dak Lak hiăng ai mâu tơdroăng pơkâ ki lâi vâ hbrâ mơdât [ă tơdroăng kố, ô pôa?

Pôa Nay Phi La: ‘’Tung rôh Têt Tân Sửu tâi tâng kăn [o# ngăn pơkeăng ôh tá chiâng pơtê phêp [ă châ klâ pro 3 ngế vâ xoăng dêi rơpó gak xuân môi tiah mơhnhôk tâi tâng mâu kơxo# liăn sap ing mâu kế tơmeăm xúa xuân môi tiah mâu ngế cheăng tơ’nôm ngin tơmiât troh túa pơkâ cho hbrâ rơnáu mơhnhôk tâi tâng mâu kăn [o# ki hiăng pơtê cheăng hbrâ rơnáu veăng drêng pơreăng tâ tú a kong pơlê. Kố cho ivá mơ-eăm ôh tá tơbrêi tơbrêh dêi kơvâ ngăn pơkeăng pơlât vâ rak tơniăn ăm kong pơlê Dak Lak tơniăn xuân môi tiah pêi pro kơtăng mâu hnoăng cheăng khăm pơlât [ă pơlât tơdrêng tung pơla Têt’’.

-Ê, mơnê kơ pôa!

Nam Trang chêh

Katarina Nga tơplôu [ă tơbleăng