Nôkố, troăng mot tung pơlê Dak Rmoan, cheăm Dak Rmoan, pơlê kong krâm Gia Nghĩa hiăng chiâng le\m krip tâ. Achê troăng, hngêi trung mầm non, [ă hngêi ki mơjiâng khu lêng nếo châ mơjiâng pro, chiâng tíu xiâm dêi pơlê. Kố cho hngêi ki châ pơlê kong krâm Gia Nghĩa ‘no liăn mơjiâng pro a tơnêi rơdâ 4.000 met karê xua ngoh Điểu Tam pleăng dêi tơnêi.

Hngêi ki tơx^n dêi on veăng ngoh Điểu Tam rêh ối rơtế [ă 6 ngế kuăn ối a tơdế pơlê Dak Rmoan. Ngoh Điểu Tam ăm ‘nâi, mâu hơnăm hdrối nah, to lâi chât ngế vâi hdrêng mầm non dêi pơlê athế hriâm a môi toăng hngêi ki pơtân, a kơhâi tô, gá tô ó, hâi ki mê mê gá kơchoh tâi, kế tơmeăm tung tíu ki hriâm kố gá tơpá khât, hên rơpo\ng athế lăm chiân dêi kuăn hriâm kơtăn ing pơlê vâ chê 10 km, tơdroăng ki chiân [ă tơdah xo kuăn vêh hriâm gá tơpá khât, malối tung rơnó kong mê.

Điểu Tam (péang hơ’vá) cho ngế ki pleăng tơnêi tơná vâ mơjiâng hngêi trung [ă pro hngêi hôp

Điểu Tam tối, rơpo\ng ngoh ối ai péa ngế kuăn dế hriâm, mê tơdroăng ki pleăng tơnêi mơjiâng pro hngêi trung kố ôh ta xê to kum ăm kuăn ‘ne#ng tung pơlê tơná xuân châ pơxúa, Tơdroăng ki sôk ro rế sôk ro tâ drêng klêi mơjiâng hngêi trung hriâm, mâu vâi muăn hiăng ai hngêi trung hriâm le\m, tơniăn.

‘’Nah on veăng á xuân ôh ai kế tơmeăm vâ châ hriâm, kuăn ‘ne#ng ai ngế ki ‘nâ châ hriâm, ngế ki ‘nâ châ ôh, ngế ki pơtê hriâm xua hngêi trung hngế luâ râ. Nôkố, hơ-ui dêi mâu vâi kuăn ‘ne#ng lăm hriâm hơngế, mê drêng thôn mơhnhôk pleăng tơnêi vâ pro hngêi trung, on veăng má hiăng môi tuăn pleăng ăm tơnêi’’.

Hngêi trung mâm non Hoa Hướng Dương châ mơjiâng a tơnêi ki hiăng pleăng

Tơnêi ki mê ối a troăng ki xiâm tơkâ luâ pơlê, nah châ nho\ng o tung rơpo\ng Điểu Tam po pông. Hdrối kố nah, rơpo\ng ngoh pêt kloăng hôt, rêm hơnăm pơrá lo liăn hên sap ing hdrê ki pêt kố, la ôh ti xê tiah mê ngế kơnốu kố mơjo dêi tơnêi drêng pleăng ăm thôn. Klêi kơ’nâi pleăng tơnêi mơjiâng pro hngêi trung mầm non, on veăng Điểu Tam pơtối pleăng môi iâ nếo tơnêi ki a chê mê vâ mơjiâng hngêi khôi hmâ.

A poăng hơnăm kố, hngêi xo\n tiô dêi khôi vâi krâ nah dêi pơlê mơngế M’nông a pơlê Dak Rmoan pơxiâm châ xúa. {ă mâu kuăn pơlê, kố ôh ti xê to cho tíu ki trâm mâ, xah hêi, tơku\m pơlê pơla mê ối rak vế mâu kế tơmeăm dêi khôi hmâ roh ton nah mơhno túa le\m tro hdroâng kuăn ngo tơná ăm mâu rơxông xo ah hmôi. Pôa Điểu Nham, krâ pơlê dêi pơlê Dak Rmoan sôk ro tối:

‘’Tơdroăng ki rơpo\ng hngêi Điểu Tam pleăng ăm tơnêi cho tơdroăng ki pơxúa khât ăm thôn, pơlê, mơnhông mơdêk. Ki hdrối tâ gá châ kơjo yoh, la kô châ vâi krâ nho\ng o, kuăn cháu dêi tơná xo ah hmôi châ pơxúa kân khât. Sap ing mê ai hngêi hôp tơdjuôm, vâi krâ nho\ng o trâm mâ, hôp, xah hơdruê xuâng đi đo tâ, rơtế [ă dêi rơpó tơpui tơno ‘na túa ki pêi cheăng kâ, tuăn hiâm tơmiât vâ sap ing mê thôn ai mâu troăng hơlâ kum vâi krâ nho\ng o tơkâ luâ xơpá’’.

Hngêi hôp tơdjuôm châ mơjiâng a chê hngêi trung mâm non

{ă 4 rơpâu met karê tơnêi ki châ rơpo\ng ngoh Điểu Tam pleăng ăm vâ mơjiâng pro mâu kế tơmeăm ki pơxúa, hngêi rak liăn Tê mơdró tơlo liăn cheăng Viettinbank ki ai tíu cheăng a Dak Nông hiăng to\ng kum kơxo# liăn 1 rơtal liăn vâ mơjiâng pro hngêi trung mầm non Hoa Hướng Dương [ă túa ki pro 4 to lâm hriâm, nôkố hiăng ai 40 ngế o hok tro cho hdroâng kuăn ngo tung pơlê hriâm. Hngêi hôp tơdjuôm pơlê Dak Rmoan tung tơdroăng rêh ối trâm mâ dêi mơngế M’nông.

Pôa Nguyễn Văn Doanh, Kăn pho\ hnê ngăn Vi [an cheăm Dak Rmoan, tối ăm ‘nâi:

‘’Nôkố mâu tơdroăng ki pro môi tiah mê veăng tơlo tơmeăm tung tơdroăng mơjiâng thôn pơlê nếo, pêi pro troh tơdroăng ki pêi klêi ‘na mâu hngêi trăng tơmeăm khoăng tíu trâm mâ xah hêi ăm mâu ngế hơnăm hiăng krâ, vâi hdrêng tung pơlê. Pêi pro châ tiô tơdroăng pơkâ mơjiâng pro kế tơmeăm khoăng mơhno túa le\m tro, tơdroăng pơkâ kơxo# 6.

Tơdroăng ki mơjiâng hngêi trung xuân veăng kum mơjiâng pro hngêi trăng, kế tơmeăm ki ai pơxúa tâ nếo cho kum mâu kuăn pơlê hdroâng kuăn ngo a kố, kum kuăn ‘ne\ng prôk lăm tơ’lêi hlâu tung pơla kong mêi hngê, kong tô mơdrăng, mâu ngế ki châ pơxúa mê cho kuăn ‘ne\ng tung pơlê kố. Rơhêng vâ pơlê chiâng môi tíu ôm hyô ton xo\n athế ‘no liăn mơjiâng pro kế tơmeăm sap ing tơdroăng pêi môi tiah mê ‘nôi vâ mơijâng thôn pơlê nếo’’.

            Hoàng Qui chêh

Katarina Nga tơplôu [ă tơbleăng