VOV4.Sêdang - Kơxo lơ 15/4, a kong pơlê Ninh Thuận, Khu xiâm ngăn cheăng pêi ƀă mơnhông thôn pơlê tơkŭm po Hneăng hôp mơgêi tơdroăng pêi chiâk pêt loăng plâi rơnó Xeăng tô hơnăm 2020 - 2021; tơbleăng tơdroăng pơkâ pêi a rơnó rơxăm hơnăm 2021 dêi mâu kong pơlê kĭng têa kơxĭ Tơdế tơnêi têa ƀă Tây Nguyên. Tiô pơkâ rơnó mơdrăng hơnăm kố, tung lâp kơpong ai lối 180 rơpâu ha tâk 20 rơpâu ha tâng vâ pơchông ƀă rơnó rơxăm hơnăm 2020; tâng riân châ lối 61 tă tung 1ha, tâk 0,49 tă tung 1 ha; châ xo 1 rơpâu 116 tâ̆n, tâk 132 rơpâu tâ̆n tâng vâ pơchông ƀă rơnó rơxăm hơnăm 2020.

Pôa Lê Quốc Doanh, Ngế xiâm phŏ ngăn ‘na chiâk deăng ƀă mơnhông thôn pơlê tối nhên: Mâu kơpong ki lâi, mâu tíu ki lâi ki ôh tá bê têa vâ mơdâ pêt báu, thế mâu tíu ki mê hơ’leh pêt hdrê loăng plâi ki ê . Kố cho mâu túa pêi cheăng hiăng châ hlo tơ-brê tung pơla hdrối kô nah. Hdrê báu ki tơ-brê, báu xú hŏm, báu ki rơmuăn; mâu hdrê báu ki rĕng sôk vâ bê têa tôh ƀă xuân cho troăng hơlâ ki vâ kơdĭng têa.

Gương tơplôu ƀă tơbleăng