VOV4.Sêdang - A Rôh hôp tơpui tơno ‘na Tơdroăng tơkêa pêi pro túa rak ngăn xêh a pơlê pơla kuăn pơlê rêh ối, thôn, tôh kơphô̆, pôa Đỗ Văn Chiến, kăn pơkuâ ngăn Tíu xiâm Đảng, Kăn hnê ngăn Vi ƀan xiâm Măt trâ̆n tơnêi têa Việt Nam pơkâ thế: Mơjiâng túa pơkâ rak ngăn xêh tơtro ƀă tơdroăng púi vâ dêi kuăn pơlê ƀă rak tơniăn tơdroăng rak ngăn dêi tơnêi têa. Tung pơla hdrối kố nah, hên túa pơkâ rak ngăn a pơlê pơla kuăn pơlê rêh ối châ mơjiâng sap ing mâu tơdroăng, rôh mơhnhôk xua Măt trâ̆n tơnêi têa Việt Nam, mâu khu pơkuâ tơdroăng kal kí, rêh ối pơlê pơla tơbleăng ai tơdroăng ki bô bối ‘na tơdroăng cheăng: tá hâi tơƀrê rơkê.

Mâu kăn pơkâ thế tung la ngiâ ah kal mơjiâng môi troăng hơlâ luât ăm tơdroăng ki rak ngăn xêh a pơlê pơla tíu kuăn pơlê rêh ối, mơjiâng luât rak ngăn dêi pơlê pơla tíu kuăn pơlê rêh ối, mơjiâng túa pơkâ dêi mâu túa rak ngăn xêh; mâu tơdroăng ki mơhnŏng vâ, rak ngăn xêh kal mơdêk khât tơdroăng tơniăn krê dêi kuăn pơlê.

Katarina Nga tơplôu ƀă tơbleăng