VOV4.Sêdang - Hnoăng cheăng kăn [o# tối tơdjuôm, hnoăng cheăng ki rah xo mơngế cheăng a rêm Hneăng hôp Đảng tối krê đi đo ai tíu cheăng ki kal [ă tơnêi têa, châ Đảng pin mơnhên cho hnoăng cheăng ki kal dêi tơdroăng ki kal, ai tơdjâk troh ivá [ă hnoăng cheăng pơkuâ dêi Đảng, tơdroăng pơkâ [ă mơnhông dêi tơnêi têa. Hên mâu kăn loi tơngah, hnoăng cheăng rah xo mâu ngế cheăng châ hbrâ rơnáu khât, rak tơniăn, tơdrăng tơpâ, tơdâng tơ’mô, mơni kô rah xo mâu kăn [o# ki kơhnâ rơkê má môi.

Tíu ki nếo dêi tơdroăng cheăng ‘na mơngế rôh kố cho pơkâ 5 tơdroăng, ing hneăng hôp râ kăn ta troh mơngế dêi hneăng hôp má 13 dêi Đảng po nhên khât, tro khoa hok, môi tuăn, tơdrăng tơpâ. Tung mê, mơngế ki kal dêi Hneăng hôp má 13 châ pêi hên tâ, [ă tơdroăng pơkâ 2 rôh 8 hvêa pêi. Tiô hên mâu kăn tối, pêi pro tơdroăng nhên khât môi tiah mê, ki hdrối mơhno hnoăng cheăng dêi Khu tơru\m cheăng Đảng ‘na hnoăng rak ngăn dêi kuăn mơngế. Tơdroăng mê pro xiâm ki vâ ngăn hên tơdroăng [ă tu\m tâ, kum rah xo mơngế ki rơkê, châ rah xo mâu ngế ai hiâm mơno, ai tu\m tơdroăng cheăng pêi.

Pôa Hồ Văn Mừng, Khu kăn pơkuâ cheăng Đảng kong pơlê Khánh Hòa, tối tiah kố:

‘’Tâi tâng mâu tơdroăng dêi pơkâ ai 5 tơdroăng ti mê kum ăm Đảng pin rah xo kăn [o# ki ai tu\m hiâm mơno le\m tu\m, tơdrăng tơpâ, rơkê ple\ng. Pak^ng mê, tung tơdroăng rah xo mơngế pêi cheăng pin xuân ai tơmâng xo tơdroăng veăng hnê khe\n dêi kuăn pơlê ki a tíu ối [ă kăn [o# cheăng môi tiah mê cho tơ’nôm ki séa ngăn dêi kuăn pơlê [ă mâu kăn [o# ki mê [ă a hlo môi tơdroăng ki kal má môi tơxâng tơmâng. Cho khu kuăn pơlê ối mê cho mâu ngế ki ‘nâi nhên gá ti lâi mê a tơmiât cho pơkâ 5 tơdroăng nôkố pin thế pro kơtăng, [ă á tơngah khât a hneăng hôp drêng kố pin kô rah xo mâu ngế ki veăng cheăng tung Khu kăn xiâm dêi Khu xiâm kal kí, Khu kăn hnê ngăn Đảng cho thế rak tơniăn ai tu\m ivá vâ ai tu\m hiâm tuăn le\m, rơkê vâ mơjiâng Đảng pin pơtối mơnhông mơdêk [ă tơnêi têa pin pơtối mơnhông tơ-[rê  tung la ngiâ’’.

Pôa Bùi Đình Long, Khu kăn hnê ngăn Đảng kong pơlê Nghệ An tối:

‘’Hdrối vâ po hneăng hôp rêm râ drêng kố Tíu xiâm pơkâ tơdroăng cheăng cho pơkâ pêi 5 tơdroăng pêi tơbleăng ăm hlo tro tuăn kuăn pơlê, nhên khât, tơdrăng, tơ’lêi pêi, hlâu pêi pro tiô [ă malối drêng hiăng klêi mê thế x^ng xoăng ngăn mơhno ăm tơtro tiô khoa hok [ă pro ăm tâi tâng vâ môi tuăn kô tro tung Đảng [ă châ kuăn pơlê vâ môi tuăn [ă hên ki ê’.

Tơkéa vâ tối, tơdroăng cheăng ‘na mơngế hiăng châ Khu kăn xiâm tơnêi têa hneăng 12, Khu xiâm kal kí, Khu kăn hnê ngăn Đảng hbrâ tu\m tâi tâng, nhên khât. Ôh tá xê to pơkâ rah xo hên râ, hên troăng, hên rôh, mê drêng hiăng ai kăn [o# xiâm ki vâ rah xo, Đảng pin hiăng tơku\m po hên lâm hriâm xua mâu Ngế cheăng tung Khu xiâm kal kí, Kăn hnê ngăn Đảng ki hnê mâu lâm hriâm dêi mâu kăn [o# châ tơku\m po tung pơla 2 hơnăm kố nah.

Ki tơviah nếo a rôh Hôp má 13 kố ‘na tơdroăng mơngế pêi cheăng cho tơnêi têa pin rơtế [ă lâp plâi tơnêi tơkâ luâ xahpá má môi. Mê cho pơreăng kân Covid-19 châ tối cho plâ hr^ng hơnăm nếo ai môi rôh tâ tú pơreăng kân tơdjâk ó khât, la hên kăn [o# ing cheăm bêng tơring kong pơlê ta troh râ xiâm Tơnêi têa, Kăn hnê ngăn ki xiâm dêi Đảng tơnêi têa hiăng mơhno tuăn khên tơnôu, ki rơkê ‘na pơkuâ, hnê mơhno hiăng châ kong pơlê [ă tơnêi têa mơ-eăm tơkâ luâ tu\m tơdroăng pá, chiâng tíu ki eăng bâ iâ hlo tung lâp plâi tơnêi. 

Nah vâi hmâ tối: Tung pơla trâm tơdroăng pá mê nếo ‘nâi ngế ki khên tơnôu. Tung pơla trâm tơdroăng pá, ngế ki lâi lot, ngế ki lâi mơdêi, ngế ki lâi khên tơmiât pêi pro, ngế ki lâi khên pro, ngế ki lâi khên pơkâ mâu tơdroăng, ngế ki lâi ôh tá rơkê ple\ng, xuân mơhno ăm hlo tâi tâng. Đảng viên [ă mâu ngế kuăn pơlê hlo nhên. Xua mê, ki khât ăm hlo pơla hdrối nah mê cho kế vâ hdró mơhno ăm hlo nhên vâ Hneăng hôp rôh kố rah xo mơngế ki rơkê ai tuăn le\m pêi cheăng ăm tơnêi têa tung pơla 5 hơnăm la ngiâ. Pôa Nguyễn Như Khuê, khu kăn pơlê kong kân Hồ Chí Minh tối:

‘’A loi tơngah khât ing mâu tơdroăng chêh ‘na tối tơbleăng kal kí xuân môi tiah mâu tơdroăng chêh dêi hneăng hôp rôh kố. Tơdroăng mơjiâng môi Khu kăn hneăng ki nếo xuân pơkâ tung môi tơdroăng ‘na khoa hok [ă tu\m hiâm mơno le\m, tuăn tơdrăng chân krá ti mê. Hâi la lâi tơnêi têa mơnhông mơdêk môi tiah Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối. Xuân hâi la lâi khu kăn pơkuâ tơnêi têa a môi rơxông ki châ ô eăng hôm môi tiah nôkố. Ai tá ki rơkê tung pêi cheăng pơtối rak vế, tá túa pêi cheăng vâ mơnhông mơdêk [ă mơhno tá mâu ki rơkê [eăn, a loi khât mâu Khu kăn ki nếo kô mơnhông tơnêi têa mơnhông mơdêk nếo’’.

Pôa Nguyễn Minh Tuấn, Khu kăn hnê ngăn Đảng kong pơlê Yên Bái tối:

‘’Á tơngah tiah kố, hneăng hôp rôh má 13 dêi Đảng rôh kố kô rah xo mâu kăn [ă rêm râ, malối ai tu\m tiô pơkâ ‘na hiâm mơno le\m, tuăn tơdrăng le\m, rơkê, chân krá tơdroăng kal kí ai tu\m tơdroăng pơkâ nhoăm [ă rơkê hlối pơkâ tơdroăng cheăng pêi ki pơxúa ahdrối dêi hdroâng mơngế, ki pơxúa dêi tơnêi têa mê hdrối tâ vâ ai tiô tơdroăng púi vâ mơnhông dêi tơnêi têa tung rơxông hơ’leh nếo [ă a loi tiah kố [ă tơdroăng tuăn loi [ă ki púi vâ môi tiah tơdroăng hneăng hôp roh kố mê a loi khât tiah kố, tơnêi têa Việt Nam pin kô chiâng môi tơnêi têa mơnhông [ă hơniâp [ă malối cho tơdroăng ‘na tuăn loi dêi kuăn pơlê kô rế tơ-[rê hên tung la ngiâ’’.

Hên mâu kăn xuân tối tiah kố, tung tơdroăng ‘na mơngế pêi cheăng [ă mơjiâng Đảng, tơdrêng [ă tơdroăng mơdêk tơdroăng hbrâ mơdât kâ kơluâ, ki ‘na tuăn tơmiât tơdroăng kal kí rế ôh tá troh, tuăn mơno xuân thế ai mâu tơdroăng kring vế kăn [o#, đảng viên khên tơmiât, khên pêi [ă ai hên [ă ‘nâi hriăn ple\ng hên tơdroăng ki nếo, pêi pơxúa tơchoâm. Xua ing kong pơlê, tơnêi têa mơnhông tơ-[rê mê kal thế pêi cheăng tơ-[rê khât. Drêng ai tơdroăng hriăn ple\ng ki nếo tung pơkuâ rak ngăn kuăn pơlê, khu mơdró tro má môi mê kô tơbleăng troh tơdroăng hriăn ple\ng [ă pơxiâm pêi cheăng dêi tâi tâng kuăn pơlê.

Mâu kăn [ă kuăn pơlê tung lâp tơnêi têa tơngah, mơngế pêi cheăng Tung Tíu xiâm hneăng 13 châ rah xo kô cho mâu ngế ki rơdêi dêi Đảng, cho xiâm tơnêi têa, đi đo tơche\ng tơmiât pro ti lâi vâ kuăn pơlê châ phâi tơtô, hơniâp ro, tơnêi têa xông rơdêi môi tiah Pôa Hồ Chí Minh-Kăn xiâm hnê ngăn tơnêi têa ki apoăng púi vâ. Mê cho khât ki hơniâp ro dêi kuăn pơlê.

Hoàng Dũng – VOV1

Gương tơplôu [ă tơbleăng