VOV4.Sêdang - A pơlê kong kơdrâm Đà Lạt, jâ Nguyễn Thị Kim Tiến, Ngế xiâm ngăn ‘na pơkeăng [ă khăm pơlât hiăng pơkuâ ngăn hneăng hôp séa mơnhên ngăn tơdroăng rak vế, pêi pro ‘na Khăm pơlât ivá châ chăn dêi khu kuăn pơlê mâu kong pơlê a kơpong Tây Nguyên roh má 2.

Tơdroăng tơkêa bro khăm pơlât ivá châ chăn dêi kuăn pơlê mâu kong pơlê kơpong Tây Nguyên roh má 2 hiăng châ pêi pro sap ing hơnăm 2014 troh a hơnăm 2019 [ă hnoăng cheăng ki veăng kum vâ mơnhông mơjiâng mâu hngêi pơkeăng dêi 5 to kong pơlê kơpong Tây Nguyên (Lâm Đồng, Dak Lak, Dak Nông, Gia Lai, Kon Tum) cho vâ khăm pơlât, rak ngăn ivá rế hía rế krâu khât tâ nếo dêi kuăn pơlê a mâu kong pơlê ki ai tơdroăng tơkêa bro, ki má lối cho mâu ngế kơtiê, hdroâng kuăn ngo. Tơdroăng tơkêa bro kố ai 3 tơdroăng: Thăm mơdêk hnoăng cheăng khăm pơlât ivá châ chăn dêi kuăn pơlê ki apoăng a mâu cheăm, thăm mơdêk ivá cheăng [ă kum kuăn pơlê châ khăm pơlât tơniăn a hngêi pơkeăng, thăm mơdêk ivá cheăng tung pơkuâ a mâu hngêi pơkeăng tơring.

Nhat Lisa tơplôu [ă tơbleăng