VOV4.Sêdang -  Tung pơla tơkôm Khu xiâm ngăn pêi chiâk ƀă mơnhông thôn pơlê ƀă kong pơlê Gia Lai pơtroh hlá mơ-eá pâ hơ’lêh  rơpâu ha tơnêi kong chiâng tơnêi pêi chiâk vâ pro kơpong tôh báu klâng ăm rơchôa Ia Mơr, Khu rak ngăn ‘no liăn mơjiâng pro tơmeăm khoăng mơjiâng Rơchôa 8 - khu xiâm ngăn ‘na chiâk deăng ƀă mơnhông thôn pơlê nếo ai hlá mơ-eá chêh pơtroh ăm mơjiâng rơchôa, hno têa, tôh ăm lối 1.000 ha báu loăng plâi a Ia Mơr.

Mơ’nhiê liăn pro rơchôa 3.000 rơtal liăn a Gia Lai” Pơkâ thế ‘no liăn mơjiâng pro rơchôa nếo vâ ai têa tôh 1.000 ha báu loăng plâi

Kố châ ngăn cho troăng hơlâ vâ kơdroh mơ’nhiê liăn ki kâng pro rơchôa 3000 rơtal liăn a kơpong tơkăng kong. Nôkố, mơhé pá xôp chêng rơchôa Ia Mơr dé tung pơla khăng khoăng. Vâ ai têa tôh ăm ƀăng klâng mê, tiô hlá mơ-eá chêh pâ thế, Khu rak ngăn ‘no liăn mơjiâng pro rơchôa 8 tối vâ mơjiâng pro mâu rơchôa - hno têa peăng mâ hâi Lo, peăng  mâ hâi Lu, troăng ki Hrik têa, tâi tâng ki xŏn ngi hiá vâ chê 15km, ƀă ai dâng 189 to rơchôa vâ ai têa tôh ăm lối 1.000 ha loăng plâi.

Tâi tâng kơxô̆ liăn ‘no mơjiâng pro ai 50 rơtal liăn, tiô tối hdrối xúa kơxô̆ liăn ki rơlối dêi tơdroăng tơkêa pro Ia Mơr a rôh má 2 ƀă kơxô̆ liăn ki rơlối ing tơdroăng tơkêa pro ki ê xua khu xiâm ngăn pêi chiâk ƀă mơnhông thôn pơlê rak ngăn.

Gương tơplôu ƀă tơbleăng