Ô vâi krâ nho\ng o [a\ pú hmâ! A Troăng 24, Luât hơnăm 2013 ai pơkâ ‘na hnoăng ngăn to tơná vâ tiô lơ ôh tơdroăng khôp dêi ing tơná kuăn pơlê. Tung mê tối nhên:

1.Rêm ngế kuăn pơlê ai hnoăng ngăn to tơná vâ tiô lơ ôh tơdroăng khôp, tiô lơ ôh tá tiô môi tơdroăng khôp. Mâu tơdroăng khôp pơrá tơdâng a ngiâ luât.

2.Tơnêi têa nhuo#m [a\ kring vế, rak ngăn hnoăng ngăn to tơná vâ tiô lơ ôh tơdroăng khôp.

3.Ôh tá ai kơbố ‘nêk ‘nhê hnoăng ngăn to tơná vâ tiô lơ ôh tơdroăng khôp lơ pro pơxúa ăm dêi tơná tung tơdroăng loi t^ng tiô khôp, ôh tá xo tơdroăng khôp vâ pro xôi luât.

Hnoăng ngăn tơná vâ tiô lơ ôh tơdroăng khôp xuân châ pơkâ a Chương 2 dêi Luât loi t^ng tiô khôp [a\ 4 troăng, troăng má 6  troh troăng má 9. Kố cho roh apoăng hnoăng kố châ pêi pro tiô luât ki nhên, tu\m chiâng môi luât pơkâ krê.

Troăng má 6 Luât loi t^ng tiô khôp, pak^ng tơdroăng mơnhên hnoăng ngăn tơná vâ tiô lơ ôh tơdroăng khôp, tiô lơ ôh tá tiô môi tơdroăng khôp ki lâi dêi rêm ngế ối pơkâ nhên hnoăng ngăn lơ tơná vâ tiô lơ ôh tơdroăng khôp dêi kuăn mơngế châ po rơdâ ăm pêi pro ing tơdroăng mơhno tơdroăng loi tơngah, tơku\m pro mơd^ng, veăng leh mơd^ng loi t^ng tiô khôp, hriâm tâp [a\ rak vế, pêi pro tiô hlá mơ-éa hriâm khôp, luât ‘na loi t^ng tiô khôp.

Ki kal vâ tối, roh apoăng tung mơnhông mơdêk ‘na luât loi t^ng tiô khôp a tơnêi têa pin pơkâ: ngế ki tro rup kroăng pơtân tiô pơkâ dêi luât ‘na hnoăng rup pơtân, kroăng pơtân, ngế dế ối kroăng phak tung hngêi phak, ngế ki pro xôi dế châ hnê pât, tíu hnê hriâm ki pơklât, tíu ki hnê ‘mâi rơnêu pât hiâm mơno, chiâng ai hnoăng xúa hlá mơ-éa khôp, hlá mơ-éa hnê tơdroăng khôp cho vâ mơhno tuăn loi tơngah ‘na tiô khôp. Pôa Nguyễn Văn Thanh, Kăn pơkuâ tơdroăng loi t^ng tiô khôp, Vi [an Măt tra#n Tơnêi têa Việt Nam mơnhên, kố cho tơdroăng pêi pro tu\m hnoăng ngăn lơ tơná vâ tiô lơ ôh tơdroăng khôp, ahdrối cho hnoăng kuăn mơngế ki ai xêh [a\ thế rak tơniăn tá drêng kuăn mơngế tro tơbriât xo hnoăng rêh ối cho kuăn pơlê.

‘’Pin thế rak tơniăn hnoăng ngăn tơná vâ tiô lơ ôh tơdroăng tiô khôp dêi rêm ngế tơdrêng amê, pin xuân thế rak tơniăn hnoăng tung tơdroăng pơkuâ tơnêi têa [a\ mâu tơdroăng loi t^ng tiô khôp. Mơnhông ki kơnâ dêi khu pơkuâ tơdroăng loi t^ng tiô khôp tung hnoăng veăng mơjiâng [a\ kring vế tơnêi têa’’.

{ok Tinh Lành Bùi Quốc Phong, pơkuâ Tơdroăng khôp Tin Lành Hà Nội xuân tối:

‘’Hnoăng ngăn tơná vâ tiô lơ ôh tơdroăng khôp cho hnoăng xiâm dêi kuăn mơngế, xua mê, nôkố hiăng hơ’leh rêm ngế [a\ rêm ngế pơrá ai hnoăng ngăn lơ tơná vâ tiô lơ ôh tơdroăng khôp, tiô lơ ôh [a\ châ ngăn lơ to tơná mơhno tơdroăng ki loi tơngah. Á hlo ki mê cho bâ eăng’’.

‘Na hnoăng dêi khu pơkuâ tơdroăng loi t^ng tiô khôp ối tung luât pơkâ: Khu pơkuâ tơdroăng tiô khôp châ hnoăng tơku\m po tơdroăng khôp tiô Luât, troăng luât, chiâng in bro Kơxop hlá mơ-éa khôp [a\ Mơjiâng tơdroăng chêh in hlá mơ-éa hnê khôp, mơjiâng pro, tê ngi kong têa ê, rôe khôi túa le\m tro, tơmeăm xúa tung tơdroăng khôp. Mơjiâng pro, rơnêu mâu tíu tơku\m po khôp xuân môi tiah châ tơdah tơmeăm tơtro xua khu pú hên, ngế krê tung tơnêi têa, ngế krê tung tơnêi têa [a\ kong têa ê diâp ăm. Tiah mê, mâu pơkâ ki kal vâ pơtối rak mơnhông mâu tơdroăng loi t^ng tiô khôp tu\m têk.

Pôa Trương Đình Căn, Kăn pho\ hnê ngăn Vi [an ru\m môi tuăn tơdroăng loi t^ng tiô khôp kong pơlê Lâm Đồng mơnhên, mâu pơkâ tung luât loi t^ng tiô khôp kô pro tơ’lêi hlâu ăm mâu tơdroăng loi t^ng tiô khôp châ tơ’lêi hlâu tâ:

‘’Mê ngin hlo Luât ai hên tíu ki nếo [a\ hnoăng ki ngăn lơ tơná vâ tiô lơ ôh tơdroăng khôp châ tơniăn, cho tơ’lêi hlâu. Tơdroăng loi t^ng tiô khôp a tơnêi têa Việt Nam pin kô ai hên tơdroăng ki tơ’lêi hlâu tâ’’.

{a\ mâu pơkâ tu\m, rơkê dêi Luât loi t^ng tiô khôp, mơni mâu tơdroăng loi t^ng tiô khôp kô pơtối mơnhông mơdêk, tơtro tiô hiâm mơno kal vâ tung tơdroăng rêh ối dêi kuăn pơlê.

Hoài Thu - VOV1 rah chêh

A Sa Ly tơplôu [a\ tơbleăng