Êng:  Koh kơ [ok thái pơkeăng Trần Thị Thúy Minh. Mơnê [ok thái pơkeăng hiăng veăng tơpui tơno mâu tơdroăng [ă ngin! {ok thái pơkeăng ăm ngin ‘nâi xiâm ing lâi khoh pro chiâng ai tơdroăng châi tung troăng hiâm ki râ?

{ok thái pơkeăng Trần Thị Thúy Minh: Tơdroăng châi kố ai hên ki xiâm pơrá phá dêi pó. Tung mê, ki xiâm cho ing virus, vi khuân, mâu tơdroăng ki ê ing kơtâ ôa lơ ing kơmeăn pro tơhe#n.

Tâi tâng mâu ki tâ pơreăng  ing troăng hiâm xua tro tâ virus, vi khuân [ă mâu tơdroăng ki ê pro chiâng ai tơdroăng châ a rôh kong prâi hơ’lêh, dế tô kơdrâ mêi, a rôh pơreăng tơ’lêi xông tâ tú.

Ai 3 tơdroăng ki tơdjâk troh mơngế ki tro tơdroăng châi kố, má môi ivá vâi ‘ne\ng pá kâi hro, má péa gá tâ tú ó tung kuăn pơlê, má pái cho hơ’lêh rơnó lo hên virus, vi khuẩn ai kuăn tâ tú hên.

Êng:  Pơreăng kố rơ-iô môi tiah lâi ô [ok thái pơkeăng?

{ok thái pơkeăng Trần Thị Thúy Minh: Tiô khu ngăn pơkeăng lâp plâi tơnêi êi troăng hiâm ki râ cho môi tung mâu tơdroăng ki xiâm pro vâi ‘ne\ng sap ing 2 khế troh 5 hơnăm hlâ, malối a mâu kong têa dế mơnhông mơdêk môi tiah tơnêi têa pin.

Pơreăng kố ai kơlo ki râ lơ ôh gá phá dêi pó. Tơdroăng teăm châ ‘nâi vâ klâ túa pơlât cho môi tung mâu tơdroăng ki kal pro kơdroh kơxo# mơngế hlâ xua pơreăng kố pro.

Xua mê, má môi mâu ngế nôu pâ thế ví pôi tá ăm vâi ‘ne\ng châ tro tơdroăng châi kố. Má péa, tâng nhôm hiăng tro tâ tú thế lăm khăm pơlât a hngêi pơkeăng khăm ngăn vâ ‘nâi [ă teăm pơlât tơdrêng.

Êng:  Ô [ok thái pơkeăng! Châi êi troăng krôk ki râ hmâ ăm ‘nâi hdrối gá tiah lâi?

{ok thái pơkeăng Trần Thị Thúy Minh: Êi tung krôk ki râ ai péa tơdroăng ki xiâm apoăng ăm hlo drêng hiăng êi troăng krôk ki râ. A khu ki tro êi, kô ăm hlo vâi ‘ne\ng: Tơngê, khăng tơliê, rơpê, tâng êi athế pâk xo mơheăm kô hlo bạch cầu (mơheăm) tâk hên.

A khu ki pro rong  a troăng krôk, vâi ‘ne\ng hmâ kơ-o, kơchêi, lo têa môh, hiâm chuât, hiâm pá kâi hro. Mê cho xiâm pro ăm mâu nôu pâ ‘nâi dêi kuăn ‘ne\ng hiăng tro tơdroăng châi hâ sôu ki râ.

Ôh tá xê to a tâi tâng mâu ngế ki hâi sôu athế mot pơlât a hngêi pơkeăng mê vâ chê 80-90% ngế kô chiâng pơlât a hngêi. Bú ai iâ ngế ki râ ó tê thế pơlât a hngêi pơkeăng, môi tiah vâi ‘ne\ng êi sôu ki râ, êi tơxui sôu, tơxui sôu ki râ, châi ó tung troăng hiâm lơ ai ngê ki ‘nâ ôh tá chiâng ôu pơkeăng.

Tâi tâng mâu ki mê dế pơlât a hngêi pơkeăng kơvâ pơlât vâi hdrêng xuân ôh tá chiâng ôu pơkeăng [ă kal thế ăm [ok thái pơkeăng séa ngăn dêi a hngêi pơkeăng.

Êng: Mâu nôu pâ thế hbrâ ví pơreăng kố ăm kuăn tơná [ă tơdroăng pêi pro môi tiah lâi, ô [ok thái pơkeăng?

{ok thái pơkeăng Trần Thị Thúy Minh: Ngin ai péa tơdroăng thế tơtro\ng. Má môi pro ti lâi vâ kơdroh vâi ‘ne\ng tro tâ tú pơreăng kố. Má péa drêng vâi ‘ne#ng tro tâ pơreăng kố pin thế pro klâi?

Vâ kơdroh vâi ‘ne\ng tâ châi tung troăng krôk, êi sôu ki râ, má môi, mâu nôu pâ kal thế ai mơheăm le\m ăm vâi ‘ne\ng, ki apoăng kal thế kâ ôu tơtro trếo kơhiâm vâ vâi ‘ne\ng ai ivá kâi tơplâ mơdât [ă pơreăng. Má péa, athế pâk tu\m mâu vaccine tiô hâi khế pơkâ thế pâk.

Mâu nôu pâ kô lăm troh a mâu hngêi pơkeăng cheăm, hngêi pơkeăng hbrâ mơdât pơreăng vâ châ pâk pơkeăng mơdât pơreăng ăm kuăn ‘ne\ng. Môi túa nếo vâ ví  vâi ‘ne\ng pôi tá tro tâ tú pơreăng kố thế pôi ta ối achê mơngế ki hiăng tro pơreăng ah lơ tâ tú.

Kơdroh ối a chê mơngế ki hmâ kơchêi, lo têa môh, tơngê. Tâng mâu ngế tung rơpo\ng hngêi ‘lo, thế ai ngế rak ngăn vâi ‘ne\ng ki tơngê xua châi troăng krôk, drêng ối achê lơ vâ pê ngăn vâi ‘ne\ng thế xếo hdrối ko\ng [ă kơ[o\ng, kluôp kên a môh rơkong.

Ai mâu tơdroăng kho\m thế jâ pôa, nôu pâ djâ vâi ‘ne\ng lăm khăm pơlât a hngêi pơkeăng lơ a hngêi pơkeăng ki achê mê cho: Má môi drêng vâi ‘ne\ng tơngê hmâ oh tá kâi kơdroh, pá vâ kơdroh tô, vâi ‘ne\ng hiâm pá kâi hro, rơlâi tung châ. Má péa, vâi ‘ne\ng to koi oh tá kâi riu, mơdriu xuân oh tá kâi riu.

Má pái, vâi ‘ne\ng kơdrâ, oh tá vâ âu, ôh tá chiâng vâ ô têa. Pak^ng mê, ối ai mâu tơdroăng ăm hlo vâi ‘ne\ng pá kâi hiâm, hiâm re\ng, drêng hiâm hlo kơhlong a nuih, mê athế re\ng djâ vâi ‘ne\ng pơlât tơdrêng, jâ pôa, nôu pâ re\ng djâ dêi kuăn troh a hngêi pơkeăng.

Êng:  Mơnê [ok thái pơkeăng hiăng hnê tối ăm ngin mâu tơdroăng mê âi!

Pó vâi krâ nho\ng o nếo klêi tâng tơdroăng: ‘’Ivá ăm rêm ngế’’, tơdroăng kố xua kơ koan teăng mâ Rơ’jiu Việt Nam kơpong Tây Nguyên tơru\m [ă hngêi pơkeăng kân kong pơlê Dak Lak rah chêh. Mơnê pó vâi krâ nho\ng o hiăng klêi tơmâng.

Mỹ Hạnh prế Đình Thi chêh

Gương prếi tơplôu [ă tơbleăng