Pôa Nguyễn Xuân Phúc lăm pôu ngăn hngêi kơmăi mơjiâng pro kơchâi plâi pôm ki mơ’no tê tơngi kong têa ê dêi Ko\ng ti tơlo liăn cheăng ‘na kơchâi kâ Đồng Giao. Mâu túa kơchâi plâi pôm ki hiăng châ tâ tung kơhôp [ă mâu kơchâi plâi ối drêh dêi Ko\ng ti kố ti xê to kum tê ăm kuăn pơlê tung tơnêi têa mê ối châ mơ’no tê dêi kế tơmeăm troh vâ chê 40 to kong têa, tung mê, ai mâu hngêi kơchơ dêi kong têa Mih, châu Âu, Nhuk.

Ngế pro xiâm hnê ngăn xuân hiăng lăm pôu kơpong ki mơjiâng tơmeăm dêi Ko\ng ti, pôu êng, tơpui tơno mâu ngế ko\ng nhân ki dế pêi cheăng a tơbăng chiâk deăng. {ă tơnêi chiâk deăng kân rơdâ lối 4 rơpâu 500 ha, mê Ko\ng ti hiăng pêt tơvât hên hdrê kơchâi, môi tiah xik, plâi krui ngeăm, plâi krui kuit, plâi hung, plâi treăng kêt dro, plâi treăng ngốu, plâi măng kâu pin, hăng, plâi tơdrong [ă hía hế.

Tơpui tơno [ă mâu kăn [o#, mâu ngế pêi cheăng tung Ko\ng ti, pôa Nguyễn Xuân Phúc ai mơnhên tối, Ko\ng ti hiăng hơ’lêh túa cheăng ing nong trương chiâng Ko\ng ti tơlo liăn cheăng, mơhnhôk tâi tâng rêm khu ngế, kế tơmeăm tung pơlê pơla vâ mơnhông mơdêk. Tơdrêng amê, cho xúa ki rơkê ple\ng dêi khoa hok cheăng kơmăi kơmok ing tơdroăng pêi pêt tá troh a mơjiâng kế tơmeăm.

Rak vế, pêi pro le\m tro ‘na tơdroăng ki tơdjêp pơla mâu rơpo\ng pêi cheăng kâ, tơru\m [ă mâu kong pơlê, pơlê kong kân tung lâp tơnêi têa vâ pêt mơjiâng kế tơmeăm tro tiô tơdroăng ki ó rơdêi dêi kơvâ pêi chiâk pêi deăng a tơnêi têa pin, tung mê ai tá Tây Nguyên.

Ngế pro xiâm hnê ngăn hiăng tối hôm khât Ko\ng ti kô mơjiâng pro môi toăng hngêi kơmăi ki uâ mơdiê kế tơmeăm ki kân a kong pơlê Gia Lai.

Pak^ng mê, Ko\ng ti hiăng pêi pro ‘na hnoăng pơkuâ rak ngăn tơnêi tíu tiô hnoăng cheăng ki ai pơxúa khât, hnoăng cheăng dêi kuăn pơlê châ kring vế tơniăn, hnoăng pơkuâ ngăn, xúa tơnêi tíu ki châ tơ-[rê tung hên túa cheăng a hên kong pơlê, tơring, cheăm.

A chôu phut tơpui tơno mê, Ngế pro xiâm hnê ngăn pơtối tối mơdêi hnoăng cheăng ki kal dêi kơvâ pêi chiâk deăng Việt Nam [ă ‘na tơdroăng pêi cheăng kâ, rêh ối pơlê pơla dêi tơnêi têa pin. Ngế pro xiâm hnê ngăn tối ăm ‘nâi, tơdrêng [ă tơdroăng pêi cheăng kâ chal nếo, mê kơvâ chiâk deăng tơnêi têa pin xuân chiâng ‘’ivá cheăng’’ ki krá ton vâ mơnhông Việt Nam châ pêi pro klêi dêi hnoăng cheăng: chiâng tơnêi têa pêi kâ ki pêi lo liăn ngân hên hdrối hơnăm 2035 [ă môi pơlê pơla ki tơdâng tơ’mô, tơxâng tơtro, kro mơdro\ng ‘na mơhno túa le\m tro, krá tơniăn ‘na tơnêi tíu rêh ối dêi kơvâ chiâk deăng a thôn pơlê.

Ngế pro xiâm hnê ngăn tối nhên, Chin phuh hiăng mơnhên tối tơdroăng pêi chiâk deăng, kuăn pơlê pêi chiâk [ă tơdroăng rêh ối a thôn pơlê cho hnoăng cheăng ki kal kân, ai tơdjâk hên khât troh tơdroăng rak vế tơniăn tơdroăng cheăng kal kí, ‘na pêi cheăng kâ; mê cho ki xiâm kal khât dêi pơlê pơla, ai tơdjâk hên troh hiâm mơno loi tơngah dêi kuăn pơlê tung hnoăng pơkuâ ngăn dêi Đảng.

Tối nhên ‘na tơdroăng mơ’no tê kế tơmeăm pêi lo ing chiâk deăng Việt Nam maluâ xuân cho tơdroăng ki ối pêi lo tơmeăm ki tá hâi teăm pro chiâng kế kâ, túa vâ mơjiâng pro tá hâi teăm trâu hơngế, Ngế pro xiâm hnê ngăn tơnêi têa tối tiah kố, mê cho ki xiâm la xuân roh ki vâ thăm mơdêk tơdroăng pêi lo kế tơmeăm a Việt Nam:

‘’Ti lâi Ko\ng ti Đồng Giao uâ mơdiê hên [ă mơ’no tê kế tơmeăm krá tơniăn [ă yă to kơnâ, kơnôm ing tơdroăng ki uâ mơdiê. {ai mơhriâm ki hiăng châ ‘nâi nhên ing tơdroăng pêi chiâk deăng troh a tơdroăng pêi cheăng kơmăi kơmok, uâ mơdiê kế tơmeăm cho ki xiâm pro pin athế tơmiât vâ mơnhông túa pêi chiâk pêi deăng a Việt Nam.

Xua mê, kal mơnhông pêi chiâk pêi deăng krá tơniăn, vêh mơnhông ‘na tơnêi tíu, kong kế vâ ga tơtro [ă tơdroăng pêi chiâk deăng Việt Nam, kơnho\ng têa, ki dâi le\m dêi tơnêi, hyôh kong prâi [ă hên mâu tơdroăng ki ê hía. Ki rơhêng vâ tối, tơdroăng pêi chiâk deăng Việt Nam ga hiăng hmâ ai tá tơdroăng uâ mơdiê, mơjiâng kế tơmeăm pêi lo ing chiâk deăng vâ mơ’no tê kế tơmeăm mê tơngi koing têa ê’’.

Vâ khoh pêi lo kế tơmeăm ki dâi khât, Ngế pro xiâm hnê ngăn tơnêi têa tối tiah kố, tơdroăng pêi chiâk deăng Việt Nam kal athế xúa, pêi pro 5 hnoăng cheăng ki kân ‘na kơmăi kơmok ki vâ kâi mơnhông:

‘’Á pâ thế kơvâ ngăn ‘na chiâk deăng Việt Nam kal athế pêi pro rơdêi, ki má môi mê cho cheăng kơmăi ki tơtro, ki má péa cho xúa robot ki rơkê pêi xêh cheăng, tơ-[ai ki ôh ti ai mơngế vê, ki má 3 kal ai hên túa tơmeăm ‘măn rak tung kơmăi, ai tơmeăm ki kring vế; ki má 4 cho ko\ng nge# in 3D; má 5 nếo cho internet vâ pêi cheăng. Á pâ thế kơvâ ngăn ‘na chiâk deăng Việt Nam kal prôk tro tiô troăng ko\ng nge# chal nếo’’.

Ngế pro xiâm hnê ngăn xuân tối nhên, túa pêi chiâk deăng ki xúa ko\ng nge# chal nếo ti xê to rơkê to ‘na mơdât pêt kế tơmeăm, uâ mơdiê kế tơmeăm mê ối cho ko\ng nge# pơkuâ ngăn vâ thăm mơdêk ki tơ-[rê.

Hâk phiu châ hlo hên Grup pêi cheăng kâ krê ki kân hiăng ‘no liăn pêi tiô ko\ng nge# chal nếo. Ngế pro xiâm hnê ngăn pơcháu hnoăng cheăng ăm mâu khu xiâm, kơvâ cheăng ai po hên troăng hơlâ ki vâ tah lôi ki tơvâ tơvân [ă thăm mơdêk mơdró kâ tung kơvâ chiâk deăng, thăm prôk hơngế tâ nếo tơdroăng uâ mơdiê, ti xê to rak vế tơniăn ăm mơngế ki rôe xúa kế tơmeăm Việt Nam mê ối ai tá kơchơ, tíu ki vâ mơ’no tê ki kân, ki ai hên túa.

Vũ Dũng chêh

Nhat Lisa tơplôu [ă tơbleăng