VOV4.Sêdang - Ngế pro xiâm hnê ngăn Chin phuh nếo kĭ pơkâ kơxô̆ 09/NQ-CP hâi lơ 18/5/2021 ‘na tơdroăng rôe vaccine hbrâ mơdât COVID-19. A tơdroăng pơkâ, Chin phuh pơcháu ăm Khu xiâm ngăn pơkeăng pơlât tơkŭm pêi tơdroăng rôe vaccine rĕng vâ châ tơbleăng pâk ăm kuăn pơlê. Hdrối mê, pôa Phạm Minh Chính, Ngế pro xiâm hnê ngăn Chin phuh hiăng hên hdrôh tối nhên, hlo tơdroăng ki rơ-iô dêi pơreăng, tơdroăng hbrâ mơdât pơreăng kal pơtối tơrŭm tơtro, pêi tơ-ƀrê tung hbrâ mơdât ƀă pêi tơ-ƀrê 5k+ vaccine”. 

Chin phuh pơcháu ăm khu xiâm ngăn pơkeăng pơlât thâ tơkŭm pêi tơdroăng rôe vaccine rĕng má môi vâ tơbleăng pâk vaccine tung lâp lu ăm kuăn pơlê. Ki xiâm: Hlá tơbleăng điê̆n tưh dêi Chin phuh, Ngế pro xiâm hnê ngăn tơnêi têa pơkâ thế mơ-eăm pêi tơ-brê tơdroăng pâk vaccine, mê cho mơdêk rĕng tâ nếo tơdroăng châ rôe, rôe ing kong ê mâu pơkeăng vaccine tro tiô hnê mơhno dêi Ngế pro xiâm hnê ngăn Chin phuh; xo pơcháu kơmăi kơmok, mơdêk rĕng ki tí tăng ‘nâi plĕng ƀă pro vaccine tung tơnêi têa; tơkŭm pâk vaccine ăm tơ-ƀrê, hbrâ mơdât ki rơ-iô ƀă tối nhên drêng trâm xía vâ.

Gương tơplôu ƀă tơbleăng