VOV4.Sêdang - Drêng troh Khế pêi pro xua vâi hdrêng hơnăm 2021, Ngế pro xiâm hnê ngăn Chin phuh hiăng kĭ Pơkâ kơxô̆ 830, hâi lơ 01/6/2021, kĭ Tơdroăng Kring vế ƀă tŏng kum vâi hdrêng châ ‘nâi mâu tơdroăng ki lĕm tro, ‘nâi hriăn ki nếo ‘na tơdroăng tung măng pơla hơnăm 2021-2025. Rôh apoăng Việt Nam pơkâ môi tơdroăng a râ tơnêi têa krê ‘na tơdroăng kring vế vâi hdrêng ‘na troăng hyôh internet.

Tơdroăng ai “Pơkâ tơpéa tơdroăng” mê cho: Kring vế ki pơkí tơdroăng rêh ối ƀă mơdât, pơxâu mâu ngế ki lơ xúa tơdroăng ‘na troăng hyôh internet vâ pro ‘mêi vâi hdrêng, tung mê malối tơmâng khât troh tơdroăng hbrâ ăm vâi hdrêng hlê ‘na tơdroăng ki tro, ‘nâi xúa tơtro tiô kơ hơnăm vâ vâi hdrêng ‘nâi ƀă kô chiâng vâ kring vế tơná  ta tơdroăng tung troăng hyôh internet.

Tơdroăng pơkâ má péa, tơdroăng pơtối rak vế ‘na troăng hyôh internet ki lĕm, mơdêk ‘na mâu nhâ loăng tơmeăm, ư̆ng dụng Việt ăm vâi hdrêng hriâm, tơdjêp ƀă, ‘nâi ngăn mâu tơdroăng xah hêi ro ki lĕm tro.

Gương tơplôu ƀă tơbleăng