VOV4.Sêdang - Kơxo lơ 20/8, Ngế pro xiâm hnê ngăn Chin phuh hiăng tơbleăng Pơkâ ‘na tơdroăng xing xoăng ăm phái ing kơxô̆ phái ‘măn kơdĭng Tơnêi têa ăm 24 kong pơlê, pơlê kong kơdrâm ối tung Tơnêi têa vâ tŏng kum ăm kuăn pơlê trâm pá xua tro tâ pơreăng COVID-19. Ngế pro xiâm hnê ngăn Chin phuh pơkâ thế Khu xiâm pơkuâ liăn ngân xing xoăng ăm ôh tá xo liăn lối 130 rơpâu tâ̆n phái ing kơxô̆ liăn ‘măn kơdĭng Tơnêi têa ăm 24 kong pơlê, pơlê kong kơdrâm ối tung tơnêi têa vâ tŏng kum ăm kuăn pơlê trâm pá puât xua pơreăng COVID-19, mê cho: Dak Lak, Dak Nông, Đồng Tháp, Tây Ninh, Cà Mau, Vĩnh Long, Long An, Kiên Giang, Trà Vinh, Khánh Hòa, Bình Dương, Bến Tre, Bình Định, An Giang, Nghệ An, Tiền Giang, Đồng Nai, Bà Rịa - Vũng Tàu, Phú Yên, Đà Nẵng, Cần Thơ, Bình Thuận, Ninh Thuận ƀă Pơlê kong kân Hồ Chí Minh.

Vi ƀan kuăn pơlê mâu kong pơlê, pơlê kong kơdrâm nếo pôu râng hnoăng cheăng ‘na ki tro khât dêi tơdroăng tơbleăng ƀă pêi pro tŏng kum teăm tơdrêng, tro mơngế, pơkâ kơlo tiô pơkâ ƀă tơtro ƀă tơdroăng hbrâ mơdât pơreăng a kong pơlê.

A Sa Ly tơplôu ƀă tơbleăng