VOV4.Sêdang - Ƀơrô Chin phuh nếo tơbleăng tối mơgêi tơdroăng dêi pôa Phạm Minh Chính, Ngế pro xiam hnê ngăn Chin phuh (kơxô̆ 133 hâi lơ 29/5/2021) a rôh hôp tơpui tơdroăng, ăm ‘nâi mâu tơdroăng cheăng ƀă mâu tơdroăng ki u ối hâi pêi thế pêi tơdrêng, thế tơkŭm hnê mơhno dêi Khu xiâm ngăn ‘na mơdró. Tung mâu tơdroăng pêi tơdrêng ai mâu tơdroăng ‘na on tơhrik.

Ing mê, Ngế pro xiâm hnê ngăn tơnêi têa pơcháu ăm pôa Lê Văn Thành, Ngế pro xiâm phŏ hnê ngăn tơnêi têa tơkŭm hnê mơhno, séa ngăn nhên tơdroăng pơkâ On tơhrrik 8 vâ tơniăn tơtro ƀă tơdroăng ki ai khât, ƀă pơkâ ki pơxúa ăm tơnêi têa ƀă kuăn pơlê ki ahdrối, malối tơmâng troh tơdroăng ki pro ôh tá tro tung mơjiâng luât pơkâ, ngế ki lâi pro xôi thế pơxâu phâk kơtăng tro tiô pơkâ dêi Đảng ƀă luât Tơnêi têa.

Tung mê, thế tơtrrŏng tí tăng ‘nâi plĕng nhên ‘na yă on tơhrik; Tơdroăng pêi pro tơdâng tơ’mô ăm tơtro ƀă on tơhrik, ƀă on tơhrrik ki mơjiâng pro vâ rak tơniăn ăm tơtro pơla mâu kơpong kơdroh mơ’nhiê liăn tơnêi têa, kuăn pơlê.

Gương tơplôu ƀă tơbleăng