VOV4.Sêdang - Séa ngăn pâ thế dêi ngế xiâm pơkuâ kŏng an ƀă Ngế xiâm ngăn Tơ’noăng - Khĕn kơdeăn tíu xiâm, Ngế pro xiâm hnê ngăn Chin phuh hiăng ai hlá mơ-eá xô̆ 1065/TTr-TTg hâi lơ 3/8/2021 thế Kăn xiâm hnê ngăn tơnêi têa diâp ăm Huân chương ai hnoăng má Péa ăm Thươ̆ng ŭi Phan Tấn Tài, kăn ƀô̆, Đô̆i kăn sát séa ngăn mâu ngế ai xôi ‘na ma tŭi, Kŏng an pơlê krâm 6, Pơlê kong kân Hồ Chí Minh, Khu xiâm kŏng an hiăng chêh hnoăng tung tơdroăng tơplâ, veăng kring vế tơnêi têa mơjiâng chuh ngiah xah hô̆i kring vế tơnêi têa.

Hdrối mê, kơxê hâi lơ 2/8, Tôh lăm séa ngăn dêi mâu bêng ai 4 ngế kăn ƀô̆ mâu lêng (tung mê ai Thươ̆ng tă Phan Tấn Tài, cheăng séa ngăn dêi Đô̆i kăn sát séa ngăn mâu ngế ai xôi ‘na ma tŭi Kŏng an pơlê krâm 6 pêi hnoăng cheăng séa ngăn, tí tăng ngăn ‘na hbrâ mơdât pơreăng. Pơla prôk drô troăng lăm séa ngăn , Tôh pêi cheăng hlo môi ngế rơtăm lo a troăng ôh tá ai tơdroăng kal pro xôi luât pơkâ hbrâ mơdât pơreăng. Tôh séa ngăn thế ngế ki mê lăm a Tíu pêi cheăng Kŏng an bêng vâ tơleăng mơnhên, pơla prôk drô troăng, ngế ki mê ôh tá vâ pêi pro tro luât, hiăng to rơxế pro dêi rơdêi kơtâu hdâ tôh séangăn rơdât tiô. Tung pơla rơdât ngế ki mê hdi rơxế dêi Thươ̆ng tă Phan Tấn Tài thươ̆ng tă hlối kơtong hlâ amê.

Gương tơplôu ƀă tơbleăng