VOV4.Sêdang - Kơxo lơ 15/4, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn  tơnêi têa pơkuâ hneăng hôp dêi Chin phuh apoăng klêi hiăng xing xoăng hnoăng cheăng pêi a rôh hôp má 11 dêi Kuô̆k hô̆i hneăng 14 vâ tơpui ‘na tơdroăng pơcháu cheăng pêi klêi Chin phuh hiăng xĭng xoăng tŭm hnoăng cheăng pêi ăm mâu kăn, troăng hơlâ hnê mơhno ƀă mâu tơdroăng cheăng ki kal tơkŭm hnê mơhno pêi ƀă tơbleăng tơdroăng cheăng dêi Chin phuh tung la ngiâ.  

Pôa Phạm Minh Chính, Ngế pro xiâm hnê ngăn Chin phuh

Tơbleăng a hâi pơxiâm po hneăng hôp, pôa Phạm Minh Chính tối nhên, kố cho rôh hôp apoăng dêi Chin phuh klêi châ xing xoăng tơdroăng cheăng pêi ăm mâu kăn, ai pơxúa khât. Pôa Phạm Minh Chính tối nhên troăng hơlâ Chin phuh klêi châ ‘mâi  xing xoăng tơdroăng cheăng  ăm tâi tâng thế pơxiâm pêi hlối; tơkŭm tơleăng mơnhên klêi mâu tơdroăng ki u ối hâi pêi klêi tơdroăng pơkâ pê kơtăng tâ, pêi rĕng, tơbleăng mâu troăng hơlâ nhên, tơ-ƀrê vâ tơbleăng hlối ăm rêm kơvâ cheăng.

Gương tơplôu ƀă tơbleăng