VOV4.Sêdang - Kơxo lơ 26/5, pôa Phạm Minh Chính, Ngế pro xiâm hnê ngăn Chin phuh pêi cheăng ƀă kong pơlê Bắc Giang prế kong pơlê Bắc Ninh vâ mơ’no mâu troăng hơlâ pêi pro tơdrêng xua hlo ôh tá tơniăn dêi pơreăng kân COVID-19 drêng kơxô̆ ngế pơtối tâk hên, ki tâ rĕng. A rôh hôp, pôa Phạm Minh Chính pơkâ thế kăn teăng mâ mâu kong pơlê Bắc Giang, Bắc Ninh ƀă mâu khu xiâm, kơvâ cheăng ki ai tơdjâk, tối tơbleăng tơdroăng xuân môi tiah pơkâ mơ’no mâu troăng pơkâ pơtối vâ rĕng hbrâ mơdât pơreăng a kong pơlê kố.

Tiô mâu khu xiâm kơvâ cheăng, kong pơlê, troăng hơlâ ki xiâm má môi nôkố cho pêi pro krúa kơpong cheăng ƀă kơmăi kơmok, rak krúa tơdroăng cheăng mâu kŏng nhân ƀă mâu troăng hơlâ séa ngăn ki kâi trâng ƀă pơreăng, séa ngăn 3 hâi môi hdroh ƀă kơpong ki pêi cheăng ƀă kơmăi kơmok, séa ngăn F0 lo ing kơpong ki ai pơreăng rĕng má môi, pơtê tơdroăng ki pơtroh kŏng nhân pơla mâu hngêi kơmăi ƀă dêi rơpó.

Po rơdâ túa pơkâ ối krê a lâp kong pơlê, séa ngăn krá tơniăn a mâu kơpong ki klâ ối ‘na khăm pơlât, pôi tá ăm ai tơdroăng ki tâ tú ing ngế ki kố troh ngế ki tá tung pơlê pơla.

Katarina Nga tơplôu ƀă tơbleăng