VOV4.Sêdang - Kơxê lơ 23/3, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng pơkuâ hneăng hôp ƀă mâu kăn hnê mơhno rah chêh ƀă chêh tơdroăng ton nah dêi Chin phuh Việt Nam. Na mâu tơmeăm ki kal ton nah Chin phuh Việt Nam (Hlá mơ-eá, um ƀă phim, Khu xiâm ngăn ‘na mơngế cheăng pêi, kơ koan dêi khu hnê mơhno cheăng ăm ‘nâi, ai hlá mơ-eá 4 tâp (mê cho rah chêh mâu tơdroăng tung mâu hơnăm ƀă tâp ki chêh tơdroăng ton dah dêi Chin phuh Việt Nam sap hơnăm 1945-2015) tiô tối hdrối, hlá mơ-eá chêh hiăng chêh klêi tung hơnăm 2021. Pôa Nguyễn Xuân Phúc ăm ‘nâi, kố cho khu hlá mơ-eá ki kal, kal tơbleăng nhên.

Kơ koan Xiâm ngăn mâu ngế pêi cheăng, mâu kăn, mâu kơ koan ki châ xĭng xoăng pêi hnoăng cheăng kal thế seá ngăn nhên, tơniăn ki tơ-ƀrê, rơkê plĕng, malối ai mâu roh hôp tơpui tơno, tơmâng xo tơdroăng veăng hnê tối dêi mâu ngế rơkê, khu cheăng khoa hok, malối mâu ngế cheăng tung Chin phuh ing mâu rơxông. Klêi mê ai Chin phuh hneăng ki nếo, Khu xiâm ngăn mâu ngế pêi cheăng kal thế pơtroh ăm Khu hnê mơhno cheăng tơ’nôm ƀă hơ’leh mâu ngế lăm hơleh tíu pêi cheăng lơ hiăng pơtê xua hơnăm hiăng krâ, rak tơniăn tro tiô luât pơkâ pêi cheăng, rơkê plĕng tung tơdroăng rah chêh.

Gương tơplôu ƀă tơbleăng