VOV4.Sêdang - Ƀơrô cheăng Chin phuh nếo ai hlá mơ-éa ‘na tơdroăng ki pơkâ thế dêi pôa Phạm Minh Chính, Ngế pro xiâm hnê ngăn tơnêi têa ‘na tơdroăng ki khĕn kơdeăn, mơhnhôk mâu khu pú hên, mâu ngế krê ki kơhnâ tung hnoăng cheăng hbrâ mơdât pơreăng COVID-19. Tiah mê, tung pơla hdrối kố nah, hên kong pơlê pêi pro kơtăng, tơdâng tơ’mô, rơkê plĕng, tơƀrê mâu troăng hơlâ hbrâ mơdât pơreăng COVID-19.

Vâ rĕng mơhnhôk mâu khu pú hên, mâu ngế krê, khu ki cheăng ‘na hbrâ mơdât pơreăng a xiâm, pôa Phạm Minh Chính, Ngế pro xiâm hnê ngăn Chin phuh pơkâ thế mâu kơ koan, tơdâng khu xiâm ƀă Vi ƀan hnê ngăn mâu kong pơlê, pơlê kong kân rĕng mơhnhôk, khĕn kơdeăn ƀă pơkâ mơ’no khĕn kơdeăn ƀă mâu khu pú hên, mâu ngế krê ai troăng hơlâ ki rơkê plĕng, kơhnâ rơkê, tung hnoăng cheăng hbrâ mơdât pơreăng COVID-19.

Tơdrêng amê hnối ai troăng hơlâ tơmâng ngăn ‘na liăn ngân hiâm mơno troh mâu khu ki hbrâ mơdât pơreăng ƀă nôu, pâ ki hiăng krâ, kuăn tơxĭn ƀă hên ki ê dêi mâu ngế ki veăng hbrâ mơdât pơreăng.

Katarina Nga tơplôu ƀă tơdroăng