VOV4.Sêdang - Tung kơxê lơ 3/6, Ngế pro xiâm hnê ngăn Chin phuh ƀă mâu ngế cheăng tung Chin phuh hiăng tơpui ‘na tơdroăng tơkêa pro troăng prôk tơdrăng hneăng hơnăm 2021 -2025 ƀă pơkâ tơdroăng troh hơnăm2030. Ƀă tơdroăng tơkêa pro troăng prôk tơdrăng hneăng hơnăm 2021 – 2025 ƀă pơkâ tơdroăng troh hơnăm 2030. Ngế pro xiâm hnê ngăn tơnêi têa tối, tơdroăng pro troăng prôk tơdrăng, ƀă 4 rơopâu km tung 10 hơnăm la ngiâ cho môi tơdroăng ki xơpá khât, xua mê, kal mơhnhôk tá khu pơkuâ tơdroăng kal kí ƀă tâi tâng kuăn pơlê veăng pêi.

Ngế pro xiâm hnê ngăn tơnêi têa cho pôa Phạm Minh Chính pơkâ thế pro troăng prôk tơdrăng athế rak tơdroăng ki tơdâng pơxúa ƀă mơnhên tối ki tơdjâk rêm kơvâ. Vâ pêi pro châ tơdroăng pơkâ kố, tiô Ngế pro xiâm hnê ngăn tơnêi têa tơdroăng tơkêa kal mơjiâng 3 tơdroăng ki xiâm: ‘na mơhnhôk veăng tơlo liăn; xoăng râ rak ngăn, tí tăng, pro tơbăng mâu tíu ƀă mâu kế tơmeăm xúa tung pro troăng.

Ngế pro xiâm hnê ngăn tơnêi têa pơcháu ăm Khu xiâm ngăn troăng prôk ƀă rơxế kơtâu pơtối tơpui tối, tơrŭm ƀă mâu khu xiâm kơvâ cheăng, tíu pêi cheăng, kong pơlê ki ai tơdjâk pêi klêi tơkêa vâ Chin phuh pơtroh, pâ phêp Khu xiâm pơkuâ tơdroăng kal kí ƀă Kuô̆k hô̆i.

Nga tơplôu ƀă tơbleăng