VOV4.Sêng - Drêng troh Mơdĭng Chôl Chnăm Thmây hơnăm 2021 dêi kuăn ngo Khmer, pôa Phạm Minh Chính, Ngế pro xiâm hnê ngăn tơnêi têa hiăng pơtroh kơthô rơkâu kơ mâu kuăn pơlê, mâu vâi pú ƀă mâu ƀok jâ phop, kuăn ngo Khmer. Teăng mâ Kăn xiâm Đảng ƀă Tơnêi têa, Ngế pro xiâm hnê ngăn tơnêi têa rơkâu ƀă púi vâ mâu tơdroăng ki lĕm má môi troh kơ mâu kuăn pơlê, vâi pú ƀă mâu ƀok phop kuăn ngo Khmer.

Tung pơla ai pơreăng COVID-19 xuân dế ối tâ tú rơ-iô, Ngế pro xiâm hnê ngăn tơnêi têa tơngah khât ƀă tơdroăng mơ-eăm dêi rêm râ, mâu kơvâ cheăng ƀă kuăn pơlê, kuăn pơlê Khmer kô tơdah Mơdĭng Chôl Chnăm Thmây tơniăn ro, ai tŭm ki pơxúa ‘na mơhno túa lĕm tro, pơtối rak vế khôi túa ki lĕm tro ton nah dêi kuăn ngo tơná.

Pakĭng mê, pơtối rak vế tơdroăng pâ nhoăm tơnêi têa, rŭm môi tuăn, mơ-eăm hriâm, mơdêk pơtâp ivá bă mơ-eăm kơhnâ pêi cheăng kâ, mơ-eăm pêi klêi hên tơdroăng ki kân, veăng rơtế bă lâp tơnêi têa pê klêi mâu tơdroăng pơkâ, mơnhông cheăng kâ - rêh ối ki hiăng pơcháu.

Gương tơplôu ƀă tơbleăng