VOV4.Sêdang - Kơxê lơ 22/3, a tíu pêi cheăng Chin phuh, Hô̆i đong ngăn ‘na Tơ’noăng - Khĕn kơdeăn xiâm tơnêi têa hiăng tơkŭm po hneăng hôp tiah hmâ, ai pôa Nguyễn Xuân Phúc, Ngế pro xiâm hnê ngăn tơnêi têa, Kăn xiâm hnê ngăn Hôi đong veăng pơkuâ xiâm. Tối tơbleăng a hneăng hôp, pôa Nguyễn Xuân Phúc mơnhên, tung pơla mâu hơnăm tơnêi têa trâm hên xahpá, tơdroăng tơ’noăng, khĕn kơdeăn hiăng hơ’leh nếo, ai tiô tơdroăng pơcháu pêi.

Pôa Nguyễn Xuân Phúc, Ngế pro xiâm hnê ngăn tơnêi têa tơpui a hneăng hôp

Tung hơnăm la ngiâ, Ngế pro xiâm hnê ngăn tơnêi têa thế tơkŭm mơhnhôk tơ’noăng pêi pro kơhnâ khât, tơƀrê, ngăn nhên tơdroăng hnê mơhno dêi Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă 5 tơdroăng tơ’noăng xua Ngế pro xiâm hnê ngăn Chin phuh mơhnhôk a hneăng Tơ’noăng pâ nhoăm tung lâp tơnêi têa roh má 10.

Ngế pro xiâm hnê ngăn tơnêi têa thế mơdêk tơdroăng hnê tối, po rơdâ mâu tơdroăng tơ’noăng ai pơxúa, tơ-ƀrê mâu túa pêi cheăng, tơ’noăng ngăn ngế ki lâi rơkê, ngế pêi cheăng kơhnâ rơkê, ngế djâ troăng lĕm ahdrối, pêi tơdroăng lĕm tro. Pêi pro tiô tơdroăng hnê khĕn kơdeăn rak tơniăn tro tiô pơkâ, teăm tơdrêng, tơbleăng tơdrăng. Tơ’noăng khĕn kơdeăn thế pêi pro troh cheăm bêng.

Gương tơplôu ƀă tơbleăng