VOV4.Sêdang - Kơxê hnah, lơ 2/4, a tíu pêi cheăng Chin phuh, tơdah kăn teăng mâ Hàn Quốc a Việt Nam Park No Wan ƀă Khu tơrŭm Khu tê mơdró Hàn Quốc a Việt Nam, Khu mơngế Hàn Quốc a Việt Nam, 5 grup pơkuâ kơmăi kơmok ki má môi dêi Hàn Quốc troh ti tăng plĕng vâ thăm mơ’no liăn cheăng a Việt Nam, pôa Nguyễn Xuân Phúc, Ngế pro xiâm hnê ngăn tơnêi têa mơnhên, ƀă Việt Nam,  tơdroăng mơ-eăm cho pơkâ,  tơdroăng ki tŏng kum pákong cho kal tung mơnhông mơdêk cheăng kâ.

Pôa Nguyễn Xuân Phúc, Ngế pro xiâm hnê ngăn tơnêi têa tơdah kăn teăng mâ kong têa Hàn Quốc a Việt Nam

Ngế pro xiâm hnê ngăn tơnêi têa loi tơngah, tơrŭm cheăng Việt Nam – Hàn Quốc rế hía rế rŭm krá xua  tơdroăng ki ai mâ dêi mâu grup pơkuâ cheăng kâ kân dêi Hàn Quốc a Việt Nam môi tiah Samsung, SK, Hanwha, Deawoo, Lotte ƀă hên grup pơkuâ, khu tê mơdró ki ê. Chin phuh Việt Nam pơtối môi tuăn ƀă pro tơ’lêi hlâu ăm mâu grup pơkuâ, khu tê mơdró  pơtối po rơdâ  tơdroăng mơ’no liăn, tê mơdró a Việt Nam. Ngế pro xiâm hnê ngăn tơnêi têa tối ăm ‘nâi, mơhé dế  ai pơreăng Covid 19 laga Việt Nam xuân pro tơ’lêi hlâu ăm mâu ngế rơkê, khu mơ’no liăn cheăng Hàn Quốc mot a Việt Nam pêi cheăng ƀă pro mơéa tơ’lêi hlâu má môi.

A Sa Ly tơplôu ƀă tơbleăng