VOV4.Sêdang - Kơxê lơ 18/3, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa tơdah Khu ngăn Mơnhông tơrŭm cheăng kâ Việt Nam – ASEAN. A rôh trâm, teăng mâ mâu khu mơdró kâ ki tơrŭm tung Khu Mơnhông tơrŭm cheăng kâ Việt Nam – ASEAN tối mơnê tơdroăng ki tơmâng ngăn, tŏng kum dêi Chin phuh, mâu khu xiâm, kơvâ cheăng  ƀă kong pơlê tung pơla hdrối nah; mơnhên tối khât tơdroăng ki Chin phuh hiăng pêi pro châ tơƀrê tơdroăng ki hbrâ mơdât pơreăng Covid-19, kơnôm ing mê cha ẩk vế tơdroăng ki mơjiâng pro, tê mơdró tơniăn tung pơla nôkố. Ngế pro xiâm hnê ngăn tơnêi têa tối rơdêi, Đảng, Tơnêi têa đi đo pro tơ’lêi hlâu ăm kuăn pơlê, khu mơdró kâ mơnhông, pơkâ tơleăng mơjiâng pro kế tơmeăm, rak vế hnoăng ki pơxúa ăm kuăn pơlê, khu mơdró kâ. Ngế pro xiâm hnê ngăn tơnêi têa rơhêng vâ khu mơdró kâ tối tơdjuôm, mâu Khu Mơnhông tơrŭm cheăng kâ  Việt Nam – ASEAN tối krê, tơtrrŏng mơnhông ngiât, tê mơdró tơdrăng, rak vế kong prâi tíu ối, hbrâ mơdât tơdroăng ki kâ kơluâ.

Nga tơplôu ƀă tơbleăng